Ekonomıka • 25 Tamyz, 2020

"Qazaqstan Konstitýsiasyna 25 jyl" monetalary aınalymǵa shyqty

78 ret kórsetildi

Qazaqstan Respýblıkasynyń Ulttyq Banki melhıor qospasynan nomınaly 200 teńgelik jáne neızılber qospasynan nomınaly 100 teńgelik "Qazaqstan Konstitýsiasyna 25 jyl" kolleksııalyq monetalaryn aınalysqa shyǵarady. Monetalardy shyǵarý Qazaqstan Respýblıkasy Konstıtýsııasynyń 25 jyldyǵyna oraılastyrylǵan, dep habarlaıdy Egemen.kz

"Qazaqstan Konstitýsiasyna 25 jyl" monetalarynyń sıpattamasy:

Monetalardyń bet jaǵynda (aversinde) ortalyq bóliginde Qazaqstan Respýblıkasynyń memlekettik eltańbasy beınelengen. Sol jáne oń jaǵynda – ulttyq oıý-órnek elementteri. Neızılberden jasalǵan monetanyń tómengi bóliginde nomınalyn bildiretin "100 TEŃGE" jazýy bar, al melhıordan jasalǵan monetanyń astynda "200 TEŃGE" jazýy ornalasqan. Aınaldyra "QAZAQSTAN ULTTYQ BANKI • NATIONAL BANK OF KAZAKHSTAN" degen jazbalar bar.

Monetalardyń syrtqy jaǵynda (reversinde) eldiń negizgi zańy – Qazaqstan Respýblıkasynyń Konstıtýsııasyn beıneleıtin ashylǵan kitaptyń aıshyqty beınesi jáne Qazaqstan Respýblıkasynyń memlekettik eltańbasy bar. Joǵary jaǵynda soǵylǵan jylyn bildiretin "2020" degen jazba bar. Aınaldyra "QAZAQSTAN KONSTITÝSIASYNA" jáne "25 JYL" degen jazbalar bar.

 

Tehnıkalyq ólshemderi:

"Rroof-like" sapaly monetalar MN 25 melhıor qospasynan, massasy 15 gramm, dıametri 33 mm, nomınaly 200 teńgelik, taralymy 3000 danada daıyndaldy. Monetalarda altyndatý tehnologııasy qoldanylǵan.

"Uncirculated" sapaly monetalar MNS 15-20 MNS 15-20 qospasynan, massasy 11,17 gramm, dıametri 31 mm, nomınaly 100 teńgelik, taralymy 50 000 danada daıyndaldy. Monetalar kolleksııalyq quny boıynsha satýǵa arnalǵan.

Nomınaly 200 teńgelik jáne 100 teńgelik kolleksııalyq monetalar tólemderdiń barlyq túrleri boıynsha Qazaqstan Respýblıkasynyń búkil aýmaǵynda olardyń belgilengen qunymen qabyldanýǵa, sondaı-aq bank shottaryna esepke alynýǵa jáne aýdarylýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady. Melhıor qospasynan daıyndalǵan monetalar kádesyılyq oramda shyǵarylady. Kolleksııalyq monetalar Qazaqstan teńge saraıynda daıyndalǵan. 

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Melhıordan jasalǵan monetalardyń beınesi

Neızılberden jasalǵan monetalardyń beınesi

Sońǵy jańalyqtar

Petr Iаn úzdikter qataryna endi

Jekpe-jek • Búgin, 16:05

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar