"Turǵyn úı qurylys jınaq banki arqyly satylatyn birqatar qoljetimdi turǵyn úı qurylysynyń basynda boldym. Áleýmettik baspananyń kezekti partııasyn qyrkúıek aıynda tapsyrýdy josparlap otyrmyz. (Omarov kóshesi, 23/1, Aıtmatov kóshesi, 27, Muhamedhanov kóshesi, 28, 28a, 28b).
Sonymen birge aýlalardy abattandyrý boıynsha jumystar jalǵasýda. Mysaly, Omarova, 23/1 kelesi jyly aýladan basqa qoǵamdyq keńistikti abattandyrýǵa kirisemiz. Jańa turǵyn úılerdiń birinshi qabattarynda áleýmettik nysandar ashylady: erekshe qajettiligi bar balalarǵa arnalǵan ońaltý ortalyqtary, medısınalyq mekemeler, balalarǵa arnalǵan úıirmeler jáne t.b. Aýdan turǵyndary úshin medısınalyq jedel járdem stansııasy jumys istep tur.
Sonymen qatar, kezekte turǵandarǵa (halyqtyń áleýmettik álsiz toptaryna) turǵyn úı salý boıynsha jumystar júrgizip jatyrmyz. "Qazaqstandyq ıpotekalyq kompanııamen" birlesip bıyl dárigerlerge, muǵalimderge, áleýmettik qyzmetkerlerge, polıseılerge, mádenıet jáne sport qaıratkerlerine arnalǵan taǵy 1 myń áleýmettik páter beremiz. Kelesi jyldarǵa da daıyndalamyz", dep jazdy Altaı Kólginov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
