Elorda • 25 Tamyz, 2020

Elorda ákimi kásipkerlerge úndeý joldady

20 ret kórsetildi

Elorda ákimi Altaı Kólginov saýda jáne oıyn-saýyq ortalyqtarynyń, saýda úıleriniń, bazarlardyń, fıtnes-ortalyqtardyń basshylarymen nysandardaǵy qatań sanıtarlyq normalardyń saqtalýy jáne karantın sharalaryn jeńildetý týraly onlaın-keńes ótkizdi, - dep habarlaıdy Egemen.kz qala ákiminiń baspasóz qyzmetine silteme jasap.

Qalanyń bas sanıtarlyq dárigeri Aıgúl Shaǵaltaeva qatań karantın engizilgen 5 shildeden bastap kásiporyndardan shamamen 73 mıllıon teńgege sanıtarlyq normalardy buzýdyń 800 faktisi anyqtalǵanyn atap ótti.

«Birqatar nysan óz jumysyn bastaǵaly ekinshi apta ótýde. Qazir biz vırýstyń áli joıylmaǵanyn túsinýimiz kerek. JRVI maýsymy aldynda koronavırýsqa qatysty ahýaldy qadaǵalaý qajet. Alǵashqy karantın tájirıbesine súıenip, qatelikter jibermeý kerek. Ol úshin nysandarda qatań sanıtarlyq-epıdemıologııalyq normalardy saqtaý qajet.

Birinshi. Tıisti oryndarǵa stasıonarlyq teplovızorlar ornatý usynylady, bul 30-40 kelýshiniń dene qyzýyn birden ólsheýge, adamdar aǵymyn tıimdi basqarýǵa múmkindik beredi. Sonymen qatar bul qyzmetkerlerdiń ózderin de qorǵaıdy – ár kelgen adamǵa jeke mán berý jáne temperatýrany ólsheý qajet bolmaıdy. Pandemııa bastalǵaly beri biz osyndaı teplovızorlardy qalalyq emhanalarǵa ornattyq. Sondaı-aq jeldetý júıesiniń úzdiksiz jumysyn qamtamasyz etý qajet, barlyq jerde áleýmettik qashyqtyq belgileri, sanıtaızerler bolýy kerek, maskasyz kirýge tyıym salynady.

Ekinshi. Sanıtarlyq normalardyń buzylýyn anyqtaý boıynsha reıdter turaqty negizde júrgiziledi. Bul sharalar qaýipsizdikti jaqsartady. Reıd barysynda «Artem» jáne «Big Shanhaı» bazarlarynda eskertýler jasaldy. Olarǵa aıyppul salyndy. Sanıtarlyq normalardy ákimdik úshin emes, ınspektorlar úshin emes, klıentterińizdiń, azamattardyń qaýipsizdigi úshin saqtaý kerek ekenin este ustaǵan jón. Endi biz COVID-19 sharttaryn qabyl alyp, jańa jaǵdaıǵa beıimdelýge májbúrmiz. Eger ár basshy sanıtarlyq normalardyń saqtalýyna jaýapkershilikpen qarasa, onda búkil ujym da jaýaptylyq tanytady. Bul kelýshiler qaýipsizdigi de qamtamasyz etiledi degen sóz.

Úshinshi. Fıtnes ortalyqtary ókilderiniń usynystaryn eskere otyryp, biz jumys ýaqytyn 21: 00-ge deıin sozdyq (buryn 17:00-ge deıin bolǵan). Bul basshylyqtyń klıentter aǵynyn ýaqytyly saralaı alýy úshin jasalady. Sondaı-aq bir mezgilde kelýshiler kóp bolmaýy jáne tar dáliz qurylmaýy úshin basqa saýda nysandaryndaǵy jumys ýaqytyn sozý joldaryn qarastyramyz», – dep túıindedi sózin elorda ákimi Altaı Kólginov.

Onlaın jınalysta kásipkerler kótergen birqatar máseleler sheshimin taýyp, qalǵany jumysqa alyndy.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.


Sońǵy jańalyqtar

Ábilhan kásipqoı boksqa aýysty ma?

Kásipqoı boks • Búgin, 12:39

7361 týrıst elge oraldy

Qoǵam • Búgin, 12:20

Rezervte qansha dáriger bar?

Koronavırýs • Búgin, 12:16

Qazposhta tarıfter qunyn tómendetti

Qazaqstan • Búgin, 11:55

Qor naryǵynda dollar taǵy arzandady

Ekonomıka • Búgin, 11:46

Elde shekteý sharalary kúsheıtildi

Koronavırýs • Búgin, 11:45

Qanat Islam reıtıngte tómendedi

Kásipqoı boks • Búgin, 10:30

«Sary» aımaqta jalǵyz-aq óńir qaldy

Koronavırýs • Búgin, 09:56

Jańa bapkerlerge úmit artamyz

Kúres • Búgin, 09:47

1142 adam koronavırýstan saýyqty

Koronavırýs • Búgin, 09:05

Jánibek tórtinshi orynda

Boks • Búgin, 08:59

Tuńǵysh ret qatysady

Qysqy sport • Búgin, 08:55

Shyrshalar «shyryldamaıdy»

Aımaqtar • Búgin, 08:52

Býblık ekinshi kezeńge ótti

Tennıs • Búgin, 08:50

Áleýmettiń ákimderden kúteri kóp

Qoǵam • Búgin, 08:45

Chempıondy kútip aldy

Sport • Búgin, 08:42

Jetisý: jaǵdaı turaqtaldy ma?

Aımaqtar • Búgin, 08:39

Úsh jylda 26 myń jumys ornyn qurmaq

Qoǵam • Búgin, 08:37

Aqtóbe:«Qańtar sabaqtary»

Aımaqtar • Búgin, 08:35

Uqsas jańalyqtar