Taraz qalasynyń turǵyndary arasynda eki sımptomatıkalyq jaǵdaı anyqtaldy. Oblys ortalyǵynda 39 jastaǵy áıelge dene qyzýy kóterilip, entigý, jótel, álsizdik shaǵymshdaryna qatysty test jasaldy. 51 jastaǵy er adamda da osyǵan uqsas belgilermen shaǵymdanǵan. Ol koronavırýspen aýyrǵan naýqastarmen tyǵyz baılanysta bolǵan.
Sımptomatıkalyq tasymaldaýshylar ınfeksııalyq jáne provızorlyq aýrýhanalarda emdelýde.
Olarmen baılanysqan adamdar karantınge alyndy. Oshaqtarda qorytyndy dezınfeksııa júrgizildi.
Sondaı-aq, ótken táýlikte taǵy 4 sımptomsyz jaǵdaı rastaldy. Koronavırýs Jýaly aýdanynyń 73 jáne Baızaq aýdanynyń 62 jastaǵy zeınetkerinen anyqtaldy. Olar aýrýhanaǵa jatar aldynda koronavırýstyq ınfeksııany anyqtaý maqsatynda synaqtan ótti. Taraz qalasynda 61 jastaǵy er adam eńbek demalysynan keıin jumysqa barar aldynda kásibı maqsatta tekserilgen. Al, Jýaly aýdanynda 22 jastaǵy áıel júktiline baılanysty baqylaýdan ótken. Olardyń barlyǵy úı karantıninde.
Aǵymdaǵy jyldyń 24 tamyzyndaǵy jaǵdaı boıynsha Jambyl oblysynda koronavırýstyq ınfeksııanyń 4063 jaǵdaıy tirkeldi, 3561 naýqas emdelip, aýrýhanalardan shyǵaryldy.
