Birinshi kezekte ekpeni vaksınalaýdyń bastapqy kezeńindegi josparly ekpeni almaǵan 1 jasqa deıingi balalar alady. Vaksınalaýdy barlyq mindetti sanıtarlyq sharalardy saqtaı otyryp, emhanada alý kerek.
«Immýndaý jumystary kúntizbege sáıkes jalǵasýda. Emhanaǵa tek aldyn-ala jazylý arqyly barý kerek. Keletin pasıent jaıly medısınalyq mekeme qyzmetkerlerin aldyn-ala habardar etedi. Vaksınalaý tek adamnyń saý fonynda júrgiziledi. 30 mınýt ishinde medısına qyzmetkerleri balanyń nemese eresek adamnyń jaǵdaıyn muqııat baqylaýy kerek. Qazirgi ýaqytta adamdardy vaksınalaýǵa eshqandaı medısınalyq qarsy kórsetilimder baıqalǵan joq. COVID-19 vırýsymen aýyryp jazylǵan jáne olarmen baılanysta bolǵan, biraq klınıkalyq belgileri joq adamdar ádettegi deıvaksınasııalanýy múmkin», deıdi Almaty qalasy №4 emhananyń bas dárigeri ZýhraÝmarova.
Profılaktıkalyq egýlerdiń ulttyq kúntizbesine usynylatyn vaksınalardyń túri, jasy, qashan jáne kimdi vaksınalaý qajet, sondaı-aq qoldaný shemasy kórsetilgen josparly egýlerdiń tizbesi kiredi. Qazaqstannyń Ulttyq egý kúntizbesinde 21 ınfeksııanyń aldyn alý jáne taralý múmkindigi qarastyrylǵan. Olar tegin beriledi. Iаǵnı ınfeksııalyq jáne parazıttik aýrýlarǵa qarsy josparly egý – jasy kelgen adamdarǵa, juqpaly aýrýlardyń (kóktemgi-jazǵy kene ensefalıti) tabıǵı oshaqtarynda turatyn jáne jumys isteıtinderge, óziniń kásibı qyzmeti boıynsha qaýipti topqa jatatyn medısına qyzmetkerlerine («V» vırýs gepatıti, tumaý), káriz jáne tazartý qurylystarynyń qyzmetkerleri (ish súzegi), qan quıý prosedýrasynan ótkenderge («V» vırýs gepatıti), medısınalyq uıymda dıspanserlik esepte turǵan balalarǵa (tumaý), balalar úıiniń, sábıler úıiniń balalary, qarttar úıiniń kontıngenti (tumaý), kez kelgen janýar tistegen, silekeılengen adamdarǵa (qutyrý), jaraqattalyp, teri jáne shyryshty qabattary buzylǵandarǵa (sirespe), ınfeksııaǵa shaldyǵý deńgeıi joǵary óńirlerde turatyndarǵa júrgiziledi.
Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń derekterine sáıkes, áli de elimizde epıdemııalyq jaǵdaı turaqty emes. Kúzde COVID-19 vırýsymen syrqattanýdyń ekinshi tolqyny bolýy múmkin, bul rette negizgi qaýip toby – sozylmaly aýrýlary bar adamdar, onyń ishinde 65 jastan asqan adamdar (júrek-qantamyr júıesi aýrýlary, qant dıabeti jáne ókpeniń sozylmaly obstrýktıvti aýrýy bar) jáne medısına qyzmetkerleri bolmaq. Osyǵan baılanysty qyrkúıek aıynyń basynda tumaýǵa qarsy vaksınalaý bastalady. Qazirgi ýaqytta 130 myń doza kútilip otyr. «SK-Farmasııa» JShS biryńǵaı dıstrıbıýtoryna qosymsha tumaýǵa qarsy vaksınanyń 300 myń dozasyna ótinim berildi, bul 2020 jyldyń qazan aıynda jetkiziledi dep josparlanýda.
Al tumaýǵa qarsy vaksınasııa: medısına qyzmetkerlerine, medısınalyq uıymdarda medısınalyq baqylaýda jatatyn balalarǵa, alty aıdan asqan jıi aýyratyn balalarǵa, jetim balalar men ata-anasynyń qamqorlyǵynsyz qalǵan balalarǵa, arnalǵan bilim berý uıymdarynyń, balalar úıleriniń balalaryna, medısınalyq-áleýmettik mekemelerdiń (uıymdardyń) qyzmet alýshylaryna, júktiliktiń ekinshi nemese úshinshi trımestrinde júkti áıelderge, júrek-tamyr júıesi men tynys alý organdarynyń sozylmaly aýrýlary bar adamdarǵa jáne epıdemııalyq kórsetkishter boıynsha júrgiziledi.
ALMATY
