Saýda jáne ıntegrasııa mınıstri Baqyt Sultanov eksporttyq akselerasııa baǵdarlamasynyń alǵashqy oqytý vebınarynda atalǵan kompanııalardyń arasynda eksport salasyna jańadan kelgender de barlyǵyn (2 kompanııa óz ónimderin buryn shetelge satpaǵan), sondaı-aq buryn birrettik (sanaýly) jetkizýdi júzege asyrǵan kompanııalar da bar ekenin, olar sheteldik naryqtarda uzaq merzimge ornalasýdy kózdeıtinin jetkizdi.
Bıyl akselerasııa baǵdarlamasynyń aıasynda qytaılyq satyp alýshylarmen eksporttyq kelisimsharttar jasaý úshin basty nazardy tamaq ónerkásibine aýdarý týraly sheshim qabyldandy.
«Qytaı sııaqty iri naryqty ıgerý – bizdiń basty maqsattarymyzdyń biri. Qytaı naryǵynyń aýqymyna qaramastan, oǵan qoljetimdilik deńgeıi shekteýli. Buǵan sebep – eksporttyq prosedýranyń uzaqtyǵy (shamamen 90 kún) jáne naryqtyń ereksheligi. Shyǵarylǵan ónim qandaı keremet jáne paıdaly bolsa da, tıisti jarnamasyz jáne oramasyz satý qıynǵa túsedi. Akseleratordyń mindeti – kásiporyndardy bastapqy kezeńderden bastap óz óndirisin syrtqy naryqtarǵa baǵyttaýǵa úıretý. Mysaly, Qytaıǵa eksporttaýǵa nıettenseńiz, aldymen Qytaı tehnıkalyq reglamentteriniń barlyq talaptary men marketıngtik erekshelikterine sáıkes keletin ónimdi óndirýińiz kerek. Atalǵan jáne basqa da máselelerdi biz baǵdarlamany júzege asyrý aıasynda qarastyratyn bolamyz», dedi B.Sultanov.
«QazTrade» saýda saıasatyn damytý ortalyǵynyń bas dırektory Arman Abenovtiń aıtýynsha, otandyq ónimder joǵary sapaly bolǵandyqtan suranysqa ıe. Degenmen birqatar sebepterge baılanysty qazaqstandyq taýarlar Qytaı dúkenderiniń sórelerine jetkilikti túrde usynylmaǵan. Akseleratordyń mindeti – otandyq ónimderdiń Qytaı naryǵynda uzaq merzimdi bolýyn qamtamasyz etý.
Baǵdarlamanyń ekinshi kezeńi aıasynda (qyrkúıek-qarasha) QazTrade sarapshylary Pricewaterhouse Coopers kompanııasynyń halyqaralyq sarapshylarymen birlesip árbir qatysýshy úshin egjeı-tegjeıli profıl jasaıdy. Onda eksporttaýshy kompanııanyń kúshti jáne álsiz jaqtaryna taldaý júrgiziledi, áleýet deńgeıi (eksporttyq naryq úshin básekelestik erekshelikteri, ónim sıpattamasy, Qytaıǵa eksporttyń daıyndyq dárejesi jáne t.b.) aıqyndalady. Sondaı-aq qatysýshy kompanııanyń profıli shet el naryǵynda qazaqstandyq ónim úshin tehnıkalyq reglament talaptary sııaqty aqparatty da qamtıtyn bolady. Maqsatty naryqqa shyǵýdyń odan ári qadamdary boıynsha usynystar da qatysýshy kompanııalardyń profılinde kórsetiletin bolady.
Baǵdarlamanyń sońǵy kezeńderiniń biri – iriktelgen 35 kompanııanyń Shanhaıdaǵy 3-shi Dúnıejúzilik CIIE-2020 ımporttyq kórmesine qatysýy. Kórme sońǵy jyldary kásiporyndar arasynda mámileler jasaýdyń negizgi álemdik alańyna aınaldy.
«QazTrade» saýda saıasatyn damytý ortalyǵynyń bas dırektory Arman Abenovtiń aıtýynsha, baǵdarlamaǵa qatysýǵa ótinim bergen, biraq irikteýden óte almaǵan kompanııalar kelesi jyldary baǵdarlamaǵa qatysýshylardyń rezervin tolyqtyrady. Iаǵnı birde-bir kásiporyn kómeksiz qalmaıdy – aǵymdaǵy jumys sheńberinde barlyq kompanııalardyń eksporttyq múmkindikterin baǵalaý jáne olardyń ónimderin sheteldik naryqtarǵa jetkizýge arnalǵan kelisimsharttardy uıymdastyrý boıynsha jumys júrgiziledi.
