Almaty qalalyq Ekonomıkalyq tergeý departamentiniń qyzmetkerleri Almaty qalasy men Almaty oblysy aýmaǵynda nomınaly 10 000 teńgelik jalǵan aqsha belgilerin daıyndaýmen jáne ony ótkizýmen aınalysatyn qylmystyq topqa qatysty sotqa deıingi tergeýdi aıaqtady.
Tekseris barysynda qylmystyq top aldyn ala sóz baılasyp, QR Ulttyq bankiniń banknottaryn jasyryn sehta ázirlegeni anyqtaldy.
Osylaısha, jasyryn sehty tintý kezinde noýtbýk, túrli-tústi prınter, sý belgileri bar arnaıy qaǵaz, boıaýlar salynǵan ydystar jáne 10 000 teńkelik kýporalardyń sýretteri bar faıl tabyldy. Sondaı-aq keńse zattary, banknot pen oıý-órnek belgileri bar qaǵazdar jáne 220 myń teńge somasyndaǵy jalǵan kýpıýrlar tárkilendi.
Sot úkimi boıynsha aıyptalýshylar QR QK-niń 231-babynyń 2-bóligimen (jalǵan aqshany nemese baǵaly qaǵazdardy daıyndaý, saqtaý, ornyn aýystyrý nemese ótkizý) kináli dep tanyldy. Jasyryn sehty uıymdastyrýshylardyń birine 5 jyl bas bostandyǵynan aıyrý jazasy kesilse, al ekinshisi jazasyn 3 jyl 6 aı túrme qamaǵynda óteıtin bolady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
