Aımaqtar • 26 Tamyz, 2020

Shymkentte 65 ınvestısııalyq joba júzege asyrylýda

411 ret

kórsetildi

1 mın

oqý úshin

Shymkent qalasynda "Shymkent» ÁKK" AQ-y 65 ınvestısııalyq joba júzege asyrmaq. Búgingi tańda jalpy somasy 100 mlrd. teńgeden astam 32 joba júzege asyrylýda. Al, quny 287 mlrd. teńgeni quraıtyn 33 ınvestısııalyq joba boıynsha ÁKK seriktesterimen qujattar rásimdelýde. Bul týraly búgin aqparattyq-kommýnıkasııalyq ortalyqta ótken brıfıngte "Shymkent" ÁKK" AQ-ynyń tóraǵasy B.Kankın málim etti, dep habarlaıdy Egemen.kz

Nurshat TО́KEN

Shymkentte 65 ınvestısııalyq joba júzege asyrylýda

Spıkerdiń aıtýynsha, jobalardyń basym kópshiligi bilim, densaýlyq saqtaý, turǵyn úı kesheni men qyzmet kórsetý salalarynda eken.

—2019 jyly qalanyń negizgi kapıtalyna salynǵan ınvestısııalar kólemi 195 mlrd. teńgeni quraǵanyn eskersek, tek turǵyn úı qurylysynyń jobalary osy kórsetkishtiń ósýine aıtarlyqtaı úles qosady. Sondyqtan áleýmettik kásipkerlik korparasııa tarapynan 2024 jylǵa deıin shamamen jalpy alańy 700 myń sharshy metrdi quraıtyn turǵyn úı paıdalanýǵa berý josparlanyp otyr, - dedi B.Kankın.

Áleýmettik saladaǵy jobalar "Shymkent" áleýmettik kásipkerlik korparasııasynyń basym baǵyttarynyń biri ekenin aıtqan tóraǵa bıyl 8 700 oryndyq 9 mektep pen 181 myń turǵyndy medısınalyq kómekpen qamtamasyz etýge múmkindik beretin 6 emhana qurylysy júrgizilip jatqanyn atap ótti.