Jańa basshyny QarÝ-dyń professor-oqytýshylar quramyna Bilim jáne ǵylym mınıstri Ashat Aımaǵambetov tanystyrdy.
Nurlan Orynbasaruly Dýlatbekov 1962 jyly Qaraǵandy oblysynyń Shet aýdanyndaǵy Aqsý-Aıýly aýylynda dúnıege kelgen. 1984 jyly E.Bóketov atyndaǵy QarMÝ-dy "Quqyqtaný" mamandyǵy boıynsha jáne 1992 jyly QR Ǵylym Akademııasynyń fılosofııa jáne quqyq ınstıtýtynyń aspırantýrasyn támamdady.
Zań ǵylymdarynyń doktory, professor, QR Ulttyq ǵylymdar akademııasynyń múshe-korrespondenti, Qazaqstan Pedagogıka ǵylymdary akademııasynyń akademıgi.
Pedagogıkalyq qyzmetin 1986 jyly Qaraǵandy memlekettik ýnıversıtetiniń oqytýshysy retinde bastaǵan. Odan keıin osy JOO-nyń zań fakýltetiniń kafedra meńgerýshisi qyzmet etti.
1996 jyldan 2013 jylǵa deıin "Bolashaq" Qaraǵandy ýnıversıtetiniń rektory boldy.
Qaraǵandy oblystyq máslıhatynyń depýtattyǵyna eki ret saılandy, oblystyq máslıhattyń hatshysy qyzmetin atqardy.
2016 jyldan bastap osy taǵaıyndaýǵa deıin «Nur Otan» partııasynan VI-shaqyrylymda QR Parlamenti Májilisiniń depýtaty, QR Parlamenti Májilisiniń zańnama jáne sot-quqyqtyq reforma boıynsha komıtet múshesi boldy.
Nurlan Dýlatbekov 200-den astam ǵylymı eńbektiń avtory. «Dostyq» ordeniniń ıegeri.
