-Aınagúl Habdonǵalıqyzy, MÁMS úshin tólemderdi 1 qazanǵa deıin kim tólemeıdi jáne kimder úshin jeńildik kezeńi 1 shildede aıaqtaldy?
1 sáýirden 1 shildege deıin áleýmettik medısınalyq saqtandyrý qoryna jarna aýdarýdan bosatylǵan iri kásipkerlik sýbektileri, mynadaı qyzmet túrleri boıynsha:
- avtomobılderdi, jeńil avtokólik quraldaryn, mysaly, motosıklderdi, avtomobıl bólshekterin, toraptardy jáne kerek-jaraqtardy bólshek saýdada satý;
- iri saýda jelilerindegi, stasıonarlyq saýda obektilerindegi, saýda obektileri bolyp tabylatyn mamandandyrylmaǵan dúkenderdegi bólshek saýda (dárihanalardy, tamaq ónimderin, sýsyndar men temeki buıymdaryn satýdy qospaǵanda);
- avtomobılderdi jóndeý jáne tehnıkalyq qyzmet kórsetý (jol boıyndaǵy jolaqta ornalasqan tehnıkalyq qyzmet kórsetý stansııalarynda júrgizgen jumystardy qospaǵanda);
- áýe jolaýshylar kóligi;
- ornalasýǵa-turýǵa arnalǵan qyzmet kórsetetin qonaqúıler jáne solarǵa uqsas oryndar;
- meıramhanalar qyzmeti jáne tamaq ónimderin jetkizip berý qyzmeti;
- jeke nemese jalǵa alynǵan jyljymaıtyn múlikti jaldaý jáne basqarý, sonymen qatar kommersııalyq úı-jaılardy jalǵa berý qyzmetteri,
1 sáýirden 1 qazanǵa deıin, 29 qyzmet túri boıynsha shaǵyn jáne orta bıznes sýbektileri MÁMS jarnasyn tóleýden bosatylady jáne olardyń jumyskerleriniń «medısınalyq saqtandyrylǵan» mártebesi saqtalady. Olar:
- zań keńesshileri, notarıýstar, advokattar, jeke sot oryndaýshylary, medıatorlar;
- kommersııalyq qyzmet jáne basqarý máseleleri boıynsha keńesshiler;
- týrısttik agenttikter men týroperatorlar;
- sanıtarlyq-epıdemıologııalyq, aýrýhanalyq jáne sanatorlyq-kýrorttyq uıymdar;
- jeke menshik mektepke deıingi, bastaýysh jáne orta oqý oryndary;
- jeke dárigerlik praktıka, stomatologııa;
- konsert jáne teatr zaldary;
- fıtnes-klýbtar;
- toqyma jáne teri buıymdaryn jýý jáne hımııalyq tazalaý oryndary;
- shashtarazdar jáne sán salondary.
Jeńildik kezeńi (1 qańtardan 1 shildege deıingi) aıaqtalǵannan keıin jarna aýdarymday boıynsha qaryzdar saqtala ma?
Iá. QR Zańyna sáıkes, azamattar 1 sáýirge deıin shartty túrde saqtandyrylǵan bolyp sanaldy. Biraq elde tótenshe jaǵdaı jarııalanýyna baılanysty, mindetti áleýmettik medısınalyq saqtandyrý júıesinde medısınalyq kómek alý quqyǵy saqtandyrylǵan-saqtandyrylmaǵanyna qaramastan barlyq azamattar úshin qoljetimdi bolatyn jeńildik kezeńi 2020 jyldyń 1 shildesine deıin uzartylǵan bolatyn. Jeńildikti kezeńinde jarna tóleý keıinge qaldyrylady, biraq olardy tóleý mindettemeleri joıylmaıdy. Iаǵnı, «Mindetti áleýmettik medısınalyq saqtandyrý týraly» Zańnyń 5-baby 3-tarmaǵyna sáıkes, qorǵa aýdarymdar jáne (nemese) jarnalar tólemegen tulǵalar mindetti áleýmettik medısınalyq saqtandyrý júıesinde medısınalyq kómek alý quqyǵyn alý úshin Qorǵa tólenbegen kezeń úshin, biraq tóleý kúniniń aldyndaǵy on eki aıdan aspaıtyn merzimde jarnalardy tóleýge mindetti. Sondyqtan jumys berýshiler, qyzmetkerleri MÁMS paketin paıdalaný múmkindigine ıe bolýy úshin, ótken 6 aı úshin jarna aýdarýlary qajet. Degenmen, QR Úkimetiniń 2020 jylǵy 20 sáýirdegi № 224 qaýlysynyń negizinde iri kásipkerlik sýbektileri úshin osy jyldyń 1 sáýirinen bastap 1 shildesine deıin, al shaǵyn nemese orta kásipkerlik (ShOK) sýbektileri úshin 1 sáýirden bastap 1 qazanǵa deıin MÁMS júıesine aýdarymdar (jarnalar) tóleýden bosatatyn jeńildik kezeńi belgilendi.
- Jumyskerler úshin aýdarymdar mólsheri qandaı?
Jumys berýshi óz jumyskeri úshin olardyń tabysynyń 2% mólsherinde jarna aýdarady, jáne de jumyskerkerdiń eseptelgen jalaqysynan 1% ustap qalady
- Jumys berýshige óz qyzmetkerleri úshin ýaqytyly aýdarym jasamaǵany nemese tolyq tólemegeni úshin ósimpuldar nemese aıyppuldar (eseptele me) qosyla ma?
Iá. О́z qyzmetkerleri úshin jarna aýdaratyn jumys berýshiler úshin MÁMS boıynsha bereshek úshin tólem kúnin qosa alǵanda, merzimi ótken árbir kún úshin bereshek somasynyń 1,25% mólsherinde ósimpul kózdelgen. Eger jumys berýshi qyzmetkerge aqy tólemese nemese ony ýaqytyly jasamasa, qyzmetker MÁMS paketinen medısınalyq kómek ala almasa, onyń mártebesi avtomatty túrde «saqtandyrylmaǵan» bop ózgeredi.
- Jumys berýshi jarnalardy jeke kásipker retinde óz betinshe aýdaratyn qyzmetker úshin nemese azamattyq-quqyqtyq sıpattaǵy shart boıynsha jumys isteıtin qyzmetker úshin jarna aýdarýy tıis pe?
Iá. Jumys berýshi, qyzmetkeriniń qosalqy áleýmettik mártebesi bolýyna qaramastan, óz mindettemelerine sáıkes, ol úshin jarna aýdarady. Al qyzmetker ózi úshin, jeke kásipker retinde 1,4 ETJ-niń 5%-y nemese 2 975 teńge mólsherinde, ne azamattyq-quqyqtyq sıpattaǵy shart boıynsha jumys isteıtin qyzmetker retinde shart boıynsha alatyn tabysynyń 1%-y mólsherinde jarna aýdaryp otyrady. Bul rette barlyq kózderden alynatyn salyq salynatyn jıyntyq tabys 10 ETJ-den nemese 425000 teńgeden aspaýy tıis.
- 1 qazanǵa deıin qyzmetkerleri úshin jarna aýdarýdan bosatylǵan kásiporyndardyń qyzmetkerleri MÁMS júıesinde medısınalyq kómek ala ala ma?
Iıa, barlyq medısınalyq kómekti ala alady. 1 qazanǵa deıin, pandemııaǵa baılanysty shekteý sharalaryn engizýden zııan shekken ekonomıka sektorlarynda qyzmet kórsetetin shaǵyn jáne orta bıznes sýbektileriniń qyzmetkerlerine, Áleýmettik medısınalyq saqtandyrý qoryna berilgen tizimderge sáıkes, «saqtandyrylǵan» mártebesi beriledi.
