Lıga múshesi aldymen praımerızge qatysýshylarmen jáne partııa belsendilerimen kezdesti. Jıynǵa qatysýshylar partııa jaqtastary ókiline ishki irikteýge ne sebepti qatysatynyn jáne praımerızden ne kútetinderin aıtyp berdi. Partııaishilik irikteýge qatysýshylardyń biri - oblystyq isker áıelder qaýymdastyǵynyń ókili Qyrmyzy Jańbyrshına.
- Praımerız – elimizde ótip jatqan aýqymdy ári mańyzdy saıası is-shara. Ony bizdiń "Nur Otan" partııasy ótkizip jatqanyna óz basym óte qýanyshtymyn. Kóp ýaqyttan beri partııa múshesi bola tura, shette qalǵym kelmedi. Mende qatysamyn dep sheshtim. Sebebi, bul árqaısymyz úshin úlken múmkindik. О́zim aýylda óskendikten, praımerızde shalǵaı aýyldardyń máselesin kótergim keledi. Qazirgi tańda túıini tarqatylmaǵan másele jeterlik. Praımerızdiń arqasynda kópshilik kókeıinde júrgen birqatar máselelerdi sheshýge kómektesemin degen oıdamyn, – dedi ol.
Jıynǵa qatysýshylarǵa Baýyrjan Serikbaev lıga jumysy týraly aıtyp berdi.
- Lıga qoǵamnyń qajettilikterin eskere otyryp, óńirlerdi damytý boıynsha usynystar ázirleıdi. Biz úshin aımaqtardaǵy ózekti máselelerdi sheshilýine septigi tıetin pikirler men bastamalar óte mańyzdy. Búgin aımaqta atqarylyp jatqan jumys barysymen tanystyq. Buǵan qosa, birneshe aýdandy aralap, biraz máselelerdi qarastyramyz. Jergilikti halyqtyń usynys-tilegi partııanyń qaraýyna jiberiledi. Lıga ókilderi ishki partııalyq irikteýdi ótkizýdiń ashyqtyǵy men tutastyǵyn syrttaı táýelsiz baqylaý prosesin uıymdastyrady. Aıqyndyq pen básekelestik – "Nur Otan" partııasynyń basty qaǵıdattary. Biz úshin shynaıy básekelestik jaǵdaıynda naǵyz myqtylardy anyqtaý mańyzdy, – dedi partııa jaqtastary lıgasynyń múshesi.
Qostanaı oblysy
