Aldaǵy oqý jyly oqýshylarǵa arnalǵan qashyqtyqtan oqytý formatynda bastalatyny belgili. Tek 1-4 synyptar úshin ata-analardyń ótinishi negizinde balalar sany 15-ten aspaıtyn kezekshi synyptar jumys isteıtin bolady. Sabaqtyń uzaqtyǵy 40 mınýttan, ár synyptyń úzilis ýaqyty ártúrli. Búgingi kúni bastaýysh synyptarda 82 myńnan astam oqýshy bar bolsa, onyń 50%-y kezekshi synyptarǵa oqýǵa ótinish bildirip otyr. Bul 3002 kezekshi synypty quraıdy.
Oqý prosesi QR Bilim jáne ǵylym mınıstrliginiń ádistemelik usynymdaryna sáıkes júrgiziledi:
1) sabaqtyń uzaqtyǵy - 40 mınýt; 1 - synypta-satyly rejım;
2) ár synyp úshin ár túrli ýaqyttaǵy úzilister;
3) maskalardy kııý rejımin qamtamasyz etý;
4) oqý ústelderin 1 metr qashyqtyqta ornalastyrý;
5) bilim alýshylarǵa jeke parta men oryndyqty bekitý;
6) bilim alýshylardyń jeke oqý materıaldaryn paıdalanýy (oqýlyqtar, dápterler, keńse zattary jáne t. b.);
7) ár sabaqtan keıin kabınetterdi jeldetý, kvarstaý.
"Ata-analar balalardy kezekshi synyptarda oqýǵa jibere otyryp, balalardyń qoǵamdyq ortada bolatyndyǵyna túsinistikpen qarap otyr. Koronavırýs ınfeksııasyn juqtyrýdy boldyrmaý úshin barlyq qajetti sharalar qabyldanatyn bolady, – dedi Ortalyq kommýnıkasııalar qyzmetinde ótken brıfıng barysynda Nur-Sultan qalalyq bilim basqarmasynyń basshysy Sholpan Qadyrova. – Balalardyń qaýipsizdigi úshin mektepter qajetti jabdyqtarmen jáne dezınfeksııalyq quraldar qorymen qamtamasyz etildi. Kire beristegi dezınfeksııalyq kilemshe, teplovızorlar, sanıtaızerler, ylǵaldy, dezınfeksııalyq jınaqtardy qamtamasyz etýge arnalǵan quraldar".
Ata-analar óz balalaryna áleýmettik qashyqtyqty saqtaý qajettiligi týraly túsindirýi tıis. Balalardy ata-analary mekteptiń syrtqy esigine deıin aparyp, sabaq aıaqtalǵannan keıin alyp ketedi. Iаǵnı, ata-analar mektep ishine kirgizilmeıdi.
