- Polısııa qyzmetkerleri árdaıym azamattardyń zańdy quqyqtaryn qamtamasyz ete otyryp, qylmyspen kúreste aldyńǵy qatarda keledi, - dedi polısııa polkovnıgi.
Shara barysynda «Qoǵamdyq tártipti qamtamasyz etýge qosqan úlesi úshin» medalimen patrýldik polısııa ınspektory aǵa serjant Nurbek Esqabyl marapattaldy. Polıseı bıyl áriptesimen birge órtten 76 jastaǵy zeınetker men sábıdi qutqarǵan. Janyp jatqan úıden barlyǵy 30-dan astam adamdy aman alyp shyqqan.
«Ishki 2-dárejeli ogandardyń úzdigi» tósbelgisimen kóshi-qon polısııasy basqarmasynyń erekshe tapsyrmalar jónindegi aǵa ınspektory polısııa maıory Rábıǵa Musabaeva marapattaldy.
Sondaı-aq, krımınaldyq polısııa bastyǵynyń orynbasary Iýrıı Polıýhov polkovnık ataǵyn aldy. Ol polısııada 23 jyldan astam ýaqyt qyzmet etedi. Iýrıı Polıýhov merziminen buryn áskerı ataq alý úlken mártebe ekenin atap ótti. Bul meniń tálimgerlerimniń, ujymnyń eńbegi dep sanaıdy ol.
- Bul kúni barlyq áriptesterime qyzmette tabys tileımin. Bizdiń árqaısymyz qyzmet barysynda júrip el úshin eren eńbek etýdiń úlken abyroı ekenine bir sát te kúmándanbadyq, - deıdi polısııa polkovnıgi.
- Konstıtýsııa kúnin merekeleý qarsańynda barlyǵy 118 qostanaılyq polıseı marapattaldy, onyń ishinde 23 qyzmetker Ishki ister mınıstriniń atynan marapattaldy, - dedi PD bastyǵynyń orynbasary polısııa polkovnıgi Ardaq Yntyqbaev.
Mereke kúnine oraı, polıseıler búginnen bastap kúsheıtilgen qyzmet rejimine kóshti.
Qostanaı oblysy
