Aımaqtar • 29 Tamyz, 2020

Polıgon zardabyn shekkender rýhyna taǵzym etti

40 ret kórsetildi

Búgin aımaq basshysy Gúlshara Ábdiqalyqova 29 tamyz – Semeı ıadrolyq polıgonynyń jabylý kúnine oraı zardap shekken azamattardy eske alý sharasyna qatysyp, atom zardabyn shekkenderge qoıylǵan memorıalǵa taǵzym gúlin qoıdy, dep habarlaıdy Egemen.kz

"Qyryq jyldan astam ýaqyt jasalǵan ıadrolyq synaqtardy toqtatýdy  1989 jyly halqymyzdyń birtýar uldarynyń biri Oljas Súleımenovtiń bastamasymen qurylǵan "Nevada-Semeı" qozǵalysy kóterdi. Al 1991 jyly 28 tamyzda Elbasy Nursultan Nazarbaevtyń Jarlyǵymen polıgon jabyldy. Bul sheshim adamzat tarıhyndaǵy buryn-sońdy bolmaǵan ıadrolyq synaqtarǵa alǵashqy zańdy tyıym retinde ǵana emes, sonymen birge halyqaralyq kúndi belgileý úshin mańyzdy negiz boldy.  Qaza bolǵan baýyrlarymyzdy árdaıym umytpaımyz, eske alyp, taǵzym etemiz", dedi oblys ákimi Gúlshara Ábdiqalyqova.

Jýyrda ótken Birikken Ulttar Uıymy Bas Assambleıasynyń 29 tamyz – halyqaralyq ıadrolyq synaqtarǵa qarsy is-qımyl kúnine arnalǵan arnaıy sessııasynda Qazaqstannyń Tuńǵysh Prezıdenti Nursultan Nazarbaevtyń "Iаdrolyq synaqtardan azat álem úshin chempıon" mártebesine ıe bolǵandyǵy belgili boldy. 

"Taǵzym" alańynda ótken sharaǵa memlekettiń mekemelerdiń ókilderimen qatar oblystyq ardagerler keńesiniń tóraǵasy Serik Dúısenbaev, oblystyq Nevada-Semeı qoǵamdyq birlestiginiń tóraǵasy Sábıt Ábish, qalalyq Nevada-Semeı qoǵamdyq birlestiginiń tóraǵasy Nurlan Mádelıev pen "Aqmeshit-Syrdarııa" meshitiniń bas ımamy Bolatbek Ábýov qatysty.

Sońǵy jańalyqtar

Uqsas jańalyqtar