Esil aýdanyndaǵy eki meıramhana men bir túngi klýb karantın kezeńinde belgilengen jumys kestesin buzdy. Aýdandyq polısııa ókilderiniń aıtýynsha, 28 tamyzda juma kúni mobıldi toptyń reıdi kezinde "Metıs" jáne "Shordıch" meıramhanalary, "Aýra" túngi klýby kelýshilerdi 23:00-den keıin qabyldaǵany anyqtalǵan.
"Biz kópshilikke arnalǵan oryndardyń karantın rejimin buzýy boıynsha Nur-Sultan qalasynyń eriktilerimen birge reıdtik is-shara ótkizip jatyrmyz. Mysaly, karantın talaptaryn buzǵan - Turan, 2 kóshesinde ornalasqan "Alanııa" ("Aýra") karaoke-túngi klýby. Menshik ıesi 425 bap boıynsha birneshe ret ákimshilik jaýapkershilikke tartyldy. Baqylaý tekserisi kezinde taǵy bir fakt anyqtaldy", dedi Meıirban О́tep, Esil aýdandyq polısııa bóliminiń ýchaskelik ınspektory.
Osy oıyn-saýyq mekemeleriniń ıelerine qatysty jınalǵan materıaldy prosessýaldyq sheshim qabyldaý úshin taýarlardyń sapasyn baqylaý jáne qaýipsizdigi bólimine jiberý josparlanǵan.
Bas sanıtar dárigeriniń 2020 jylǵy 15 tamyzdaǵy qaýlysy shyqqannan soń, elordada 78-ge jýyq zań buzýshylyqtar anyqtaldy.
Eske salaıyq, qazirgi ýaqytta karantınge baılanysty meıramhanalar men kafeler jumys kúnderi túngi 23:00-ge deıin jumys isteı alady. Demalys kúnderi kelýshilerdi tek dalada qabyldaýǵa ruqsat etiledi. Bul rette qoǵamdyq tamaqtandyrý oryndary 30 orynnan aspaýy tıis.
