Reseı premer-lıgasynyń altynshy týr asynda Groznyıda ótken «Ahmat» pen SSKA arasynda matchta Zaınýtdınov ekinshi taım bastala sala (46-mınýtta) jartylaı qorǵaýshy Tıknızıandy almastyryp, alańǵa shyqty. Jerlesimiz alańda belsendi oınaǵanymen, qaqpaǵa gol soǵa almady. Biraq, qarsylas komanda oıynshysynyń aıaǵyn basyp ketkeni úshin oıynnyń 84 mınýtynda sary qaǵaz aldy.
Osymen jerlesimiz armııashylar sapynda ekinshi ret alańǵa shyǵyp otyr. Ol buǵan deıin besinshi týr aıasynda «Krasnodar» komandasyna qarsy kezdesýde oıynnyń 54 mınýtynda alańǵa shyqqan bolatyn.
Bul kezdesý 3:0 esebimen SSKA-nyń paıdasyna sheshildi. Oıynnyń 11 mınýtynda – Konstantın Kýchaev, 88 mınýtta – Krıstıan Bıstrovıch, 90 mınýtta Nıkola Vlashıch gol soǵyp, SSKA-nyń bıylǵy maýsymdaǵy alǵashqy iri jeńisine qol jetkizdi.
6 oıynnan keıin 10 upaı jınaǵan SSKA týrnır kestesinde 10-orynnan birden 5-orynǵa kóterildi.
