Oqıǵa • 31 Tamyz, 2020

Máskeý mańyndaǵy Alabınoda qazaq áýenderi shyrqaldy

17 ret kórsetildi

Ortalyq ansambl ártisteri «Tank bıatlony» baıqaýyna qatysqan qazaqstandyq jaýyngerlerdi Konstıtýsııa kúnimen quttyqtady. Olarǵa aldaǵy saıystarda tabys tilep birqatar tanymal kompozısııalardyoryndady.

- Biz barlyq oıyn qatysýshylaryn qarsy alǵanymyzǵa qýanyshtymyz. Saıysta adal básekelestik pen jaqsy óner kórsetýlerine, elderimiz arasyndaǵy dostyqty nyǵaıta túsýlerine tilektespiz. Osyndaı aıtýly merekege oraı bizdiń komandamyzǵa tank bıatlonynda úlken jeńister tileımiz, - dedi ansambldiń kórkemdik jetekshisi Ásem Sharıfýllına.

Sonymen qatar, ansambl ártisteri ózderiniń vokaldyq sheberlikterimen Armııa halyqaralyq oıyndary ókilderiniń júreginen oryn aldy. Olar halyq ánderi men qazaq folklory áýenderin oryndaǵan talanttarymyzdy jyly qarsy alyp, óz qoshemetterin bildirdi.

-Búgin Qazaqstannan kelgen Armııa halyqaralyq oıyndarynyń qatysýshylary men olardyń Reseıdegi shyǵarmashylyq ujymy úshin erekshe kún. Men barlyq qazaqstandyqtardy el Konstıtýsııasy kúnimen quttyqtaımyn. Bizdiń dostyǵymyz odan ári de nyǵaıa bersin, - dedi Reseı Federasııasy Qorǵanys mınıstrligi Mádenıet departamentiniń bólim bastyǵy, Eńbek sińirgen mádenıet qyzmetkeri Olga Faller.

- Konstıtýsııanyń 25 jyldyq mereıtoıy – bizdiń memleket tarıhyndaǵy mańyzdy kezeń jáne aıtýly kún, osyǵan baılanysty biz «Tank bıatlony» saıysynda jeńiske jetý úshin barynsha kúsh salamyz, - dep atap ótti Armııa halyqaralyq oıyndarynyń qazaqstandyq qatysýshylary.

Esterińizge sala keteıik, Qazaqstan tankishileri «Tank bıatlony» saıysy aıasynda 2 qyrkúıekte jartylaı fınaldyq estafetada óner kórsetedi.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar