Al kásiptik-tehnıkalyq bilim beretin mekemelerdiń ishinen Qostanaı pedagogıkalyq kolledji ozyp shyqqan. Atalǵan bilim oshaǵyna 34 mln teńgeniń sertıfıkaty tabys etildi. Bıyl oblysta 300-ge jýyq ustaz joǵary marapatqa ıe boldy. Mysaly, 7 muǵalim «Y.Altynsarın» tósbelgisin keýdesine taqsa, 8 muǵalim «Bilim berý isiniń qurmetti qyzmetkeri» belgisine ıe boldy. Munyń syrtynda, bilim salasynda talmaı eńbek etip kele jatqan júzdegen ustazǵa Bilim jáne ǵylym mınıstrliginiń Qurmet gramotasy men Alǵys haty jáne oblys ákiminiń gramotalary tabys etildi.
– Jańa oqý jylynyń 1 toqsanynda bilim berý negizinen qashyqtan uıymdastyrylady. Oblys mektepteri úshin bul jańalyq emes. О́tken jyly biraz tájirıbe jınaqtadyq. Aımaqtyń bilim berý salasyn sıfrlandyrý baǵytynda da qyrýar sharýa tyndyryldy. Máselen, sońǵy úsh jyl ishinde oblys mektepterinde jalpy somasy 340 mln teńgege 66 IT-synyp jáne 32 robottehnıka kabıneti ashyldy. Bıyl jazǵy maýsymda 1,4 mlrd teńgege 6 myń kompıýter satyp aldyq. Buǵan qosa, 15 qyrkúıekke deıin úkimettik rezervten bólingen 2,4 mlrd teńgege 15 myńnan astam kompıýterlik tehnıka satyp alýdy oılastyryp jatyrmyz. Sondaı-aq jańa oqý jylyna qajetti oqý materıaldaryn satyp alýǵa shamamen 1,2 mlrd teńge jumsaldy, – dedi E.Aıtmaǵambetov.
Qostanaı oblysy
