Joldaý barysynda Prezıdent yqsham memlekettik baǵdarlamalarǵa kóshý keregin eskertti.
"Úlken kórsetkishteri men ındıkatorlary bar memlekettik baǵdarlamalardy daıyndaýdy toqtatý kerek. Barlyq turǵynǵa túsinikti yqsham ulttyq jobalarǵa kóshetin sát keldi. Kúrdeli ózgerister memlekettik apparattyń qyzmetin qaıta qaraýdy qajet etedi. Munda reformany josparlaý men júzege asyrý sınergııasy mańyzdy maǵynaǵa ıe", dedi Toqaev.
Sonymen qatar, Memleket basshysy sheneýnikterdi bıyl 10, kelesi jyly 15 paıyzǵa qysqartýdy tapsyrdy.
"Memlekettik qyzmettiń júıesin qaıta qaraý kerek. Pandemııa men memlekettik organdaǵy kóptegen qyzmetkerdi qashyqtan jumys isteý rejımine aýystyrý memapparatty qysqartý kerek ekenin kórsetti. Memlekettik apparat pen kvazımemlekettik sektoryn qysqartý merzimin jyldamdatýdy tapsyramyn. Bıyl olardyń sanyn 10 paıyzǵa qysqartý qajet. Kelesi jyly taǵy 15 paıyzǵa qysqartý kerek. Osylaısha, sheneýnikterdi 25 paıyzǵa qysqartý tapsyrmasyn 2021 jyly sheship bolamyz. Nátıje men sıfrlandyrýǵa baılanysty taǵy da qysqartý máselesin qaraımyz. Únemdelgen qarajat arqyly qalǵan qyzmetkerlerdiń jalaqysy arttyrylady", dedi ol.
