Jarys promoýterleriniń aıtýynsha, 100 myń bılet satylymǵa shyǵarylady. Bılettiń bastapqy baǵasy – 3,4 eýro.
"Biz bárine daıynbyz. Eger koronavırýstyq jaǵdaı ýshyǵyp ketse, biz jarysty kórermensiz ótkize alamyz. Stendter men ashyq alańdardyń jalpy syıymdylyǵy 220 myń adamdy quraıtynyn bilemiz. Qaýipsizdik talaptaryna baılanysty keıbir salalardy jabý kerek bolsa, 100 myń adam áli de jarysqa qatysa alady. Bul jaǵdaıda áleýmettik araqashyqtyq erejelerin saqtaý múmkin bolady. Ádette, "Formýla-1" óz standarttary men baǵa saıasatyna ıe. Biraq biz qarjylyq paıda tabýǵa tyrysyp otyrǵan joqpyz. Bizge úkimet demeýshilik kórsetedi. Bıletter baǵasy kúnine 30 lıradan turady (3,4 eýro). Bıletter kelesi aptada satyla bastaıdy. Tez arada satylyp ketedi dep kútemiz", dedi túrik Gran-prıiniń uıymdastyrý komıtetiniń basshysy Výrala Aka Motorsport Week-ke bergen suhbatynda.
Esterińizge sala keteıik, osy maýsymda ótken barlyq "Formýla-1" Gran-prıi kórermensiz ótip, maýsym 5 shildede Avstrııada bastaldy. 2020 maýsymda barlyǵy 17 jarys ótedi dep kútilýde, onyń jeteýi ótti. 27 qyrkúıekte ótetin Reseı Gran-prıi kórermenderdiń qatysýymen ótedi.
