Qala aýmaǵy men ındýstrıaldy aımaqtyń astyna О́zbekstan astanasynyń Almazar aýdanyna jaqyn ornalasqan Tashkent oblysynyń Tashkent aýdanynyń 500 gektarǵa jýyq jerin berý josparlanyp otyr.
«Bolashaq aýmaqtardyń keıbir bólikteri О́zbekstan men Qazaqstan arasyndaǵy memlekettik shekara mańynda ornalasqandyǵy nazar aýdartady. Mysaly, Býrdokıchılik bazasynyń aýmaǵy arqyly ótetin avtomobıl jolynyń ózbek-qazaq shekarasyndaǵy qorshaýlarmen qıylysy bólingen jer ýchaskesiniń shekarasynyń bastapqy núktesi retinde kórsetilgen. Sondaı-aq, memlekettik shekaranyń janynda ornalasqan dalalyq joldyń oń jaǵyndaǵy aýmaqtardy qosý josparlanyp otyr», - delingen maqalada.
Jobany talqylaý 8 qyrkúıekke deıin jalǵasady.
Spýtnıktik qala men ındýstrıaldy aımaq qurý josparlanǵan aýmaqtar (qyzyl túspen kórsetilgen). Basylym Spýtnıktik Tashkent qurý týraly el prezıdenti Shavkat Mırzııoev maýsym aıynyń basynda jarııalaǵanyn atap ótti. Qalanyń eni 20 metr bolatyn baqtar, jaıaý júrginshiler zonalary, velosıped joldary, uzyndyǵy 14 shaqyrym bolatyn jaǵalaý aımaǵy, sondaı-aq kem degende 5000 adamǵa jumys isteıtin saýda ortalyqtary kiretin 260 gektar aýmaqta ornalasatyny týraly habarlandy. «Sodan keıin О́zbekstan prezıdenti atalǵan aýmaqta 200 gektar jer bólip, jańa ındýstrııalyq aımaq uıymdastyrýdy usyndy. Indýstrıaldy aımaqtyń bolashaq kásiporyndarynda kem degende 60 myń jańa jumys ornyn ashýǵa bolady», delingen habarlamada.
