Zań boıynsha qoǵamdyq oryndarda qaıyr suraý qoǵamdyq tártipti buzý bolyp sanalady. Mundaı áreketi úshin eskertý nemese bes aılyq eseptik kórsetkish kóleminde ákimshilik aıyppul qarastyrylǵan. Osy bir jaı erekshe baqylaýda. Olaı bolatyndyǵy, alaqan jaıyp, tilenshilikti kásip etýshiler halyq kóp jınalatyn jerde jıi kórinis beredi. Ásirese, bazar mańynda, meshitter men shirkeýlerdiń kire berisinde kóp otyrady. Jyl basynan beri júzdegen tilenshi jaýapqa tartyldy. Sóz arasynda mundaı quqyq buzýshylarǵa áýeli aýyzsha eskertý jasalatyndyǵyn aıta ketelik.
Polısııa qyzmetkerleriniń aıtýyna qaraǵanda, qaıyrshynyń kóbi kórshi elderdiń azamattary eken. Olardyń arasynda kóshi-qon zańyn buzatyndar da az emes. Ádette keıbir adamdar kýáger bolýdan nemese qaıyrshylyq faktisin rastaýdan bas tartady. Sondyqtan, polısııaǵa dálel jınaý qıyn.
Árıne, jetiskennen emes, biraq, qaıyrshysy joq el bolǵanǵa ne jetsin?!
