"О́rt sóndirýshiler kelgenge deıin 20 adam óz betinshe evakýasııalandy. Onyń ishinde altaýy – bala. О́rt sóndirýshilerdiń kómegimen 10 adam syrtqa shyqty. Barlaý barysynda gaz-tútinnen qorǵaý qyzmeti besinshi qabattaǵy bir bólmeli páterdiń esigi jabyq turǵanyn anyqtady. Qutqarýshylar arnaıy quraldyń kómegimen temir esikti ashyp, 1975 jyly týǵan er adamdy es-tússiz kúıde edennen taýyp aldy", - deıdi departamentte.
Sondaı-aq TJD qyzmetkerleri taǵy eki adamdy anyqtady. Zalda es-tússiz kúıde jatqan 1991 jyly týǵan áıel men 1977 jyly týǵan er adamdy taza aýaǵa shyǵaryp, 103-ti qyzmetine tapsyrdy.
Tilsiz jaý alty sharshy metr alańdy sharpyǵan.
