Koronavırýstyq ınfeksııaǵa qarsy kúresip jatqan medısına qyzmetkerlerine ústemaqy aǵymdaǵy jyldyń sońyna deıin jalǵasatynyn aıtty. Naýryz ben shilde aıy aralyǵynda jalpy somasy 59,6 mıllıard teńgege ústemaqy tólengen bolatyn. Endi taǵy da qosymsha 150 mıllıard teńge bólinedi. Tıisti esepteýler Qarjy mınıstrligine engizildi.
Sonymen qatar Memleket basshysy bıyldan bastap 2023 jylǵa deıin dárigerler men sanıtarlyq-epıdemıologııalyq qyzmet mamandarynyń jalaqysyn ekonomıkadaǵy ortasha eńbekaqydan eki esege arttyrýdy tapsyrǵany málim. 2021-2023 jyldarǵa arnalǵan respýblıkalyq bıýdjet týaly zańda atalǵan shyǵyndar qarastyrylǵan. 247 myń medısına qyzmetkeriniń jalaqysyn kezeń-kezeńmen arttyrý shyǵyndary: 2021 jyly-222,3 mlrd teńge, 2022 jyly-361,7 mlrd teńge, 2023 jyly-557,5 mlrd teńge.
Densaýlyq saqtaý mınıstrligi Indýstrııa jáne ınnovasııalyq damý mınıstrligine otandyq farmasevtıka jáne medısınalyq ónerkásipti damytý boıynsha halyqaralyq standarttarǵa sáıkes negizdelgen keshendi usynys engizedi. Halyqtyń suranysyna sáıkes óziniń tıimdiligin kórsetken dári-dármekterge basymdylyq beriledi.
13 juqpaly aýrýlar aýrýhanasy salynady. Qazirgi ýaqytta aımaq ákimdikteri 12 modýldi ınfeksııalyq aýrýhananyń qurylys jumystaryn qarqyndy júrgizip jatyr. Taǵy bir aýrýhanaǵa keshendi jańǵyrtý jasalýda jáne aldaǵy qazan aıynda qoldanysqa beriledi. Vırýstyń ekinshi tolqynyna daıyndyq jan-jaqty júrgizilýde. Qosymsha 2700 ınfeksııalyq tósek-oryn daıyndalýda.
2025 jylǵa qaraı memlekettik jekemenshik áriptestik esebinen sý jańa 20 medısınalyq ortalyq qurylady. Iаǵnı, joǵary tehnologııamen jabdyqtalǵan kópbeıindi medmekemeler paıda bolady. Shamamen 1,5 trln teńge ınvestısııa tartylady dep josparlanǵan.
2021 jyldyń sońyna qaraı Almaty men Nur-Sultan qalalarynda árqaısysynda 500 tósek-oryn bar kópbeıindi ǵylymı-zertteý ortalyqtary salynady. Bul epıdemıologııalyq qaýip-qaterlerdiń aldyn alýǵa mol múmkindik beredi.
