Qazaq ánderiniń ulttyq baıqaýy «Altyn kúz-2013» Máskeýde ótedi, dep habarlaıdy Tengrinews.kz aqparattyq saıty. 2 qarasha kúni alǵashqy kastıng bolady. Onda árbir qatysýshy eki án oryndaýy shart.
Úmitker ánniń bireýin qazaq tilinde, al ekinshisin ózi qalaǵan tilde aıta alady. Án saıysy úsh kezeńnen turady. Eki kezeńniń qorytyndysy boıynsha 12 úmitker anyqtalady. Olar 16 qarasha kúni fınalǵa shyǵyp, ózara baq synasady. «Altyn kúz -2013» sońy reseılik jáne qazaqstandyq óner juldyzdarynyń gala-konsertimen aıaqtalmaq.
«Baıqaý júzdegen talantty jastardyń shyǵarmashylyq áleýetin ashýǵa, olardyń otanǵa, mýzykaǵa, poezııaǵa degen ystyq sezimderin án arqyly beıneleýge múmkindik beredi. Bul shara jas talanttardy shyǵarýdy, olarǵa qoldaý kórsetip jáne óz-ózderin damytýǵa septigin tıgizýdi maqsat etedi», deıdi uıymdastyrýshylar. Án jarysyn Máskeýdegi qazaqstandyq stýdentterdiń «Atameken» birlestigi Reseıdegi Qazaqstandaǵy elshiliginiń qoldaýymen uıymdastyryp otyr.
«Egemen-aqparat».
