Prezıdent Q. Toqaevtyń tapsyrmasy boıynsha mınıstrlik úzdiksiz bilim berý tujyrymdamasyn qalyptastyrý, qashyqtyqtan oqytý platformasy jáne 6 jasqa deıingi balalardy mektepke deıingi tárbıemen jáne oqytýmen 100% qamtýǵa qol jetkizý boıynsha jumys júrgizetin bolady.
Bul rette, qoldanystaǵy júıeden aıyrmashylyǵy, memlekettik tapsyrysty endi bilim bólimderi nemese basqarmalary bólmeıtin bolady. Onyń ornyna balabaqshaǵa joldama alǵan balalardyń ata-analary mektepke deıingi uıymdy ózderi tańdaıdy. Vaýcherlik tetik engiziletin bolady, bul básekelestikti damytýǵa jáne qyzmetter sapasyn arttyrýǵa yqpal etedi.
Sonymen qatar oqý prosesin tolyqqandy iske asyrý úshin QR BǴM bilim berýdiń onlaın-platformalaryna biryńǵaı talaptar ázirleıdi. Sondaı-aq QR DSM-men birge barlyq sanıtarlyq talaptardy saqtaı otyryp, dástúrli oqytý formatyna kóshý tártibi ázirlenetin bolady. Muǵalimderdiń jalaqysyn 2021 jylǵy 1 qańtardan bastap 25%-ǵa arttyrý úshin Bilim jáne ǵylym mınıstrligi tıisti esepteýlerdi daıyndady jáne 2023 jylǵa deıingi qarjylandyrý sheńberinde Qarjy mınıstrligine engizdi. Bilim mınıstri atap ótkendeı, balalardyń quqyqtaryn qorǵaý máselesi Prezıdenttiń erekshe nazarynda. Bizdiń elimizdiń habarlama rásimine qatysty bala quqyǵy týraly Konvensııanyń Fakýltatıvtik hattamasyna qosylýy óte mańyzdy qadam bolady.
"Balalardy kıberbýllıngten qorǵaý, qosymsha bilim berý uıymdaryn damytýmen birge balalardyń sport seksııalary men úıirmelerin jappaı ashý ákimdikter men bilim berý uıymdary qyzmetiniń sózsiz basymdyqtary bolady. Oqýshylardy buqaralyq sport túrlerimen qamtýdy ulǵaıtý jónindegi jumys jańa jáne júıeli negizde uıymdastyrylatyn bolady. Mektepterde sport zaldary salynyp, ulttyq jáne buqaralyq sport lıgalary damytylady", — dedi A. Aımaǵambetov.
Mektepter men joǵary oqý oryndarynda ekologııalyq tárbıe jumystary bastaldy. Bilim alýshylardyń ekologııalyq mádenıet, ekologııalyq bilim jáne tárbıe deńgeıin arttyrý úshin úzdiksiz bilim berýdiń keshendi modeli engiziletin bolady. Budan basqa, ǵylymı jáne bıznes-qoǵamdastyqpen birlesip, eldiń ǵylymı-tehnologııalyq damýy boıynsha jeke baǵdarlamalyq qujat daıyndalady. Qazir 500 ǵalymnyń jetekshi ǵylymı ortalyqtarda ǵylymı taǵylymdamadan ótýi úshin konkýrstyq rásimder júrgizilýde.
Sonymen qatar, "Jas ǵalym" jas ǵalymdarǵa qosymsha 1000 grant bólinedi. Jer qoınaýyn paıdalanýshylardyń kirisiniń 1%-yn ǵylym men tehnologııalardy damytýǵa aýdarý jónindegi normany tıimdi iske asyrý boıynsha jumys júrgiziletin bolady. Jýrnalısterdiń oqý materıalynyń mazmunynyń sapasyzdyǵyna qatysty saýalyna jaýap bere otyryp, A. Aımaǵambetov búgingi tańda oqýlyqtardy daıyndaýdyń birneshe kezeńnen turatyn jańa tujyrymdamasy ázirlengenin jetkizdi. Bul baspa ishilik, syrtqy, qoǵamdyq saraptama jáne aprobasııa.
"Qoldanystaǵy júıede belgili bir kemshilikter boldy, Memleket basshysynyń tapsyrmasy boıynsha biz oqýlyqtardy basyp shyǵarýǵa daıyndaý erejelerin tolyǵymen qaıta qaradyq. Qazirgi ýaqytta erejeler ózgertildi, bul múldem jańa format. Endi jańa býyn kitaptary jańa talaptarǵa saı shyǵady, endi qateler bolmaıdy", — dedi mınıstr.
Onyń aıtýynsha, oqýlyqtardy jappaı tırajdaýǵa deıin kem degende bir jyl ishinde aprobasııa júrgizilýi tıis.
"Biz jańa formany engizdik, eger baspanyń olqylyǵy anyqtalsa, oqýlyqtardy qaıta basyp shyǵarýdy baspalar óz esebinen júzege asyrady. Qazirgi ýaqytta biz avtorlardy daıyndap jatyrmyz, óıtkeni bul tutas bir ǵylym, kóp nárse oqý materıalyn qurastyryp, daıyndaýǵa baılanysty", — dedi A. Aımaǵambetov.
Sondaı-aq Bilim jáne ǵylym mınıstri koronavırýs ınfeksııasyna qarsy qazaqstandyq vaksınany daıyndaý týraly aıtty.
"Aǵymdaǵy jyldyń naýryz aıynyń sońynda biz patologııalyq materıal aldyq, aǵymdaǵy jyldyń 15 mamyrynda bizdiń ǵalymdar kandıdattyq vaksınany daıyndap, DDSU-ǵa jiberdi, tizimge engizdi. Al tamyz aıynyń sońynda DDSU bizdiń vaksınany klınıkalyq synaqtarǵa jiberdi, kandıdattyq vaksınalar tizimine engizdi, eki platformada kandıdattyq vaksınalar daıyn, klınıkaǵa deıingi synaqtar sátti ótti, tekserý barlyq derekterdiń tolyq kóbeıýin kórsetti. Antıdeneler boıynsha biz ne baryn kórip otyrmyz, IFA boıynsha ótkir fazada analız júrgizdik, IgM jáne IgG boıynsha antıdeneler sheteldik analogtarynan kem túspeıdi. Biraq antıdenelik jaýaptan basqa, biz gýmoraldi jáne antıjasýshalyq ımmýnıtettiń damýyn kórip otyrmyz, bul da óte mańyzdy", — dedi A. Aımaǵambetov.
Onyń aıtýynsha, qazaqstandyq ǵalymdar otandyq vaksınanyń klınıkalyq synaqtarynyń birinshi kezeńine kirisýde. Eriktilerdi qabyldaý júrgizilýde.
