"Sizdi jáne siz basqaryp otyrǵan JOO-nyń professor-oqytýshylar quramyn, ofıserlerin, kýrsanttary men ardagerlerin 50 jyldyq mereıtoıymen quttyqtaımyn.
Osy jyldar ishinde áskerı ınstıtýt elimizdiń myńdaǵan adal uldaryn tárbıelep, ofıser kadrlar daıarlaý ustahanasyna aınaldy. Áskerı ınstıtýt túlekteri ınternasıonaldyq boryshtaryn oryndaý kezinde, jergilikti soǵystar men qarýly janjaldarda, sońǵy onjyldyqtardaǵy bitimgershilik mıssııalarda erlikpen jáne batyrlyqtyń erekshe úlgisin kórsetip, Qazaqstan Qarýly Kúshteriniń qurylýy men qalyptasýyna qomaqty úlesterin qosýda.
Instıtýt túlekteri elimizdiń Qarýly Kúshterinde, basqa da áskerleri men áskerı quralymdarynda ǵana emes, sonymen qatar TMD elderinde de qyzmet etip, aǵa býynnyń dańqty jaýyngerlik dástúrlerin jalǵastyra otyryp, elder arasyndaǵy halyqaralyq áskerı yntymaqtastyqty nyǵaıtýda jáne jetildirýde.
Aldaǵy ýaqytta da Sizderdiń Qarýly Kúshterdiń dástúrlerine adal bolyp, elimizdiń qorǵanys qabiletin damytý isine eleýli úles qosatyndaryńyzǵa senim bildiremin.
Barshańyzǵa zor densaýlyq, baqyt, beıbitshilik, baq-bereke jáne Otanymyz – Qazaqstan Respýblıkasynyń ıgiligi jolyndaǵy isterińizge tabys tileımin", delingen habarlamada.
