Májilis birinshi oqylymda depýtattar ázirlegen Qazaqstannyń sheginen tys jerge shyǵaryp jiberý kezinde ustaý merzimderin retteý máselelerine qatysty zań jobasyn qaraıdy.
Sonymen qatar Palatanyń aldaǵy jalpy otyrysynda birqatar ratıfıkasııalyq zań jobalary talqylanatyn bolady. Atap aıtqanda, ShYU múshe memleketter arasyndaǵy birlesken áskerı oqý-jattyǵýlar ótkizý týraly, sondaı-aq, Qazaqstan men Lıýksembýrg arasyndaǵy tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly kelisimder boıynsha zań jobalary.
Kún tártibiniń jobasynda "Notarıat týraly" zań jobasyn jumysqa alý kózdelgen. Osynyń qatarynda EAEO múshe memleketterdiń eńbekshilerin zeınetaqymen qamsyzdandyrý jáne Keden odaǵyna múshe memleketterdiń keden qyzmetteriniń Birikken alqasy týraly shartqa ózgerister engizý týraly qujattardy ratıfıkasııalaýǵa qatysty zań jobalary bar.
