Qazaqstan • 04 Qyrkúıek, 2020

Prezıdent Joldaýy el damýyna jańa serpin beredi - Aıda Balaeva

1235 ret kórsetildi

Aqparat jáne qoǵamdyq damý mınıstri Aıda Balaeva "Egemen Qazaqstan" gazeti redaksııasynda ótken Memleket basshysy Qasym-Jomart Toqaevtyń "Jańa jaǵdaıdaǵy Qazaqstan: is-qımyl kezeńi" atty Joldaýyn talqylaýǵa arnalǵan dóńgelek ústelde Prezıdent Joldaýy el damýyna jańa serpin beretinin aıtty, - dep habarlaıdy Egemen.kz.

Aqparat jáne qoǵamdyq damý mınıstri Aıda Balaeva 11 baǵyttan turatyn Joldaýdaǵy eń basty baǵyt eldiń ál-aýqatyn jaqsartý ekenin,  sondaı-aq kezekti Joldaý el damýyna jańa serpin beretinin aıtyp ótti.

"Joldaý aıasynda uıymdastyrylatyn sharalardyń barlyǵy da qarapaıym halyqtyń erteńi úshin. Indet bastalǵaly elimizdiń salt-dástúrinde túrli ózgerister bolyp jatty. Onyń jaqsy tustary da, jaman tustary da bar. Eń jaqsy tusy - biz osynaý qıyn-qystaý zamanda bir ult bolyp qalyptasqanymyzdy kórsettik. Qaırymdylyq, bir-birimizge degen baýyrmaldylyq, jomarttyq degen úlken qasıetterimizdi tanyta bildik. Dese de indet kezinde aqparat quraldarynda qanshama túsindirý jumystary júrgizilip jatsa da keı kezde tártipke baǵynbaıtyn kezderimiz boldy. Bul rette Prezıdent óz Joldaýynda Abaı atamyzdyń kezinde aıtyp ketken danalyǵyn búgingi zamanmen baılanystyryp ótkenin aıta ketý kerek. Adam boıyndaǵy teris ádetter, onyń ishinde ysyrapshyldyq, daraqylyq, jaýapsyzdyq, salmaǵy joq salt pen dástúr. Bul teris qylyqtardyń barlyǵynan biz tolyqtaı aryla qoıǵan joqpyz", - deı kele Aıda Balaeva endigi maqsat halyqtyń sana sezimin jańǵyrtyp, ulttyń jańa bolmysyn qalyptastyrý ekenin atap ótti.

Budan soń, mınıstr Prezıdent Joldaýynda aıtylǵan asyl qasıetterdi árbir qazaqstandyq óz boıyna sińirgen jaǵdaıda memleketimiz jańa deńgeıge shyǵatynyn sóz etti. 

"Joldaýdy iske asyrýda kóptegen mindet kútip tur. Osy maqsatta búgin zııaly qaýym ókilderimen kezdesip, jumysty qalaı uıymdastyramyz, qandaı is-sharalar qoldanamyz jáne aqparat jumystarynyń mazmunyn qalaı ózgertemiz degen suraqtarǵa jaýap izdep, talqyǵa salýdy jón kórdik", dedi A.Balaeva.

Sońǵy jańalyqtar

Dollar qymbattady

Qarjy • Búgin, 16:27

Aldaǵy úsh kúnde áli de aıaz saqtalady

Aýa raıy • Búgin, 13:53

Prezıdent Ulttyq bank tóraǵasyn qabyldady

Prezıdent • Búgin, 13:03

«QazMunaıGazda» kadrlyq ózgerister boldy

Taǵaıyndaý • Búgin, 12:53

Uqsas jańalyqtar