Elorda turǵyndary men qonaqtary NUR ALEM-ge kelgende koronavırýs ınfeksııasynyń taralýyn boldyrmaý úshin sanıtarlyq talaptardy ustaný qajet. Kelýshiler medısınalyq maska taǵyp, áleýmettik qashyqtyqty saqtaý kerek. Murajaıǵa kirgen kezde kelýshilerdiń dene qyzýy arnaıy qurylǵymen ólshenedi, sonymen qatar obektide antıseptıkter men sanıtaızerler ornatylǵan.
Murajaıǵa kelýshilerdi sferalyq pishindi biregeı ǵımarattyń segiz qabaty boıynsha qyzyqty ekskýrsııalar kútedi. Birinshi deńgeıde "Ulttyq pavılon" ornalasqan, onda Qazaqstannyń landshafttary, mádenıeti, tarıhy, búgini men bolashaǵy kórsetilgen.
2-7 qabattarda kelýshiler ǵarysh, kún, jel, sý, bıomassalar men kınetıkalyq energııaǵa arnalǵan ekspozısııalarmen tanysa alady. Munda bógettiń kórkemdik qondyrǵylary, kınetıkalyq energııaǵa qatysty tarıhı artefaktiler usynylǵan.
Jel alleıasynda kelýshiler jeldiń ártúrli jyldamdyǵyn sezine alady. Eń joǵarǵy qabatta týrısterdiń nazaryna Qazaqstan astanasynyń bolashaǵyn kórsetetin ekspozısııa usynylady. Qalanyń músindik modeli turaqty damý men ekologııalyq tıimdilikti sıpattaıdy. Sondaı-aq barlyq qabattarda robot-gıdter jumys isteıdi.
