"Qazirgi tańda Qazaqstandaǵy epıdemııalyq ahýal turaqty dep baǵalanýda. Koronavırýs ınfeksııasyn juqtyrý deńgeıi tómendep jatqany baıqalady. 4-shi qyrkúıektegi málimet boıynsha 106 121 naýqas koronavırýs ınfeksııasyn juqtyrǵan, sońǵy táýlikte 89 jaǵdaı tirkeldi. Qazir 5 924 pasıent em qabyldap jatyr, 98 585 naýqas jazylyp shyqty. О́kinishke qaraı, 1 612 adam qaıtys boldy. Koronavavırýsqa uqsas belgileri bar, biraq PTR test nátıjesi teris shyqqan 26 803 adam tirkeldi. Olardyń arasynda 305 pasıent qaıtys boldy. 20 972 naýqas em qabyldap jatyr, 5 831 adam jazylyp shyqty",- dedi Baǵdat Qojahmetov.
О́lim-jitim jaǵdaıyna saraptama jasaıtyn arnaıy komıssııanyń qorytyndysyna sáıkes, 556 adam janama nemese ilespe aýrýlardyń áserinen qaıtys bolǵan.
"Búginde Densaýlyq saqtaý mınıstri Túrkistan oblysynda jumys saparymen júr. Buǵan deıin ol Shymkent, Taldyqorǵan, Aıagóz, О́skemen qalalarynda boldy. Issapardyń maqsaty - óńirlerdegi medısınalyq mekemelerdiń daıyndyǵyn tekserý. Kúzde koronavırýstyń ekinshi tolqyny bolýy múmkin degen boljam baryn bilesizder, sondyqtan qaýip-qaterge daıyn bolý úshin mınıstr, ózi aımaqtardy aralap júr. Dári-dármek qoryn, aýrýhanalardyń múmkindigin, mobıldi brıgadalardyń qyzmetin qadaǵalaýda", - dedi ol.
