Ofıser Qaraǵandy garnızony áskerı polısııa bóliminiń baqylaý-ótkizý pýnktinen bastady. 200 shaqyrymdy 48 saǵattyń ishinde eńserýdi josparlaǵan ol, marafondy belgilengen ýaqytynan buryn aıaqtady.
Marafon barysy júgirýshiniń baǵyty men ýaqytyn onlaın rejıminde qadaǵalaýǵa bolatyn navıgasııalyq platformanyń kómegimen baqylandy. Barlyq qashyqtyqta áskerı qyzmetshiniń janynda medısınalyq mamandar men áskerı polısııa organdarynyń ókilderi júrdi.
"Marafonnyń birinshi kúni 100 shaqyrym qashyqtyqty júrip ótýdi josparladym, biraq ózimdi jaqsy kórsetkishke qol jetkizetinimdi sezinip 130 shaqyrym qashyqtyqty júrip óttim. Ekinshi kúnge 70 shaqyrym qashyqtyqty qaldyrdym. Eń qıyny sońǵy 20 shaqyrym boldy, alaıda men ony jeńdim", - deıdi Zańǵar Álkenov.
Márede ofıserdi týǵan-týystary men áriptesteri, sondaı-aq Jańaarqa aýdanynyń turǵyndary qarsy aldy.
Aıta ketý kerek, aǵa leıtenant Zańǵar Álkenov – qazaq kúresinen Qazaqstan Respýblıkasynyń sport sheberi, dzıýdo men sambodan sport sheberine úmitker. Alǵash ret 15 shaqyrym qashyqtyqty, sodan keıin 21, 42, 75, 83 shaqyrym qashyqtyqty baǵyndyrǵan. Al qazirgi ýltramarafonǵa deıingi eń uzyn qashyqtyǵy 130 shaqyrym bolǵan.
Áskerı qyzmetshige 200 shaqyrymdyq ýltramarafondy baǵyndyrǵanyn dáleldeıtin sertıfıkat manıtorıng pen tıisti qujattardy rásimdegennen keıin beriledi.
