Oıynnyń 53-mınýtynda Maksım Bordachev áriptesi Igor Stasevıchtiń aıyp alańyna asyrǵan dobyn utymdy paıdalanyp, esep ashty. Qazaqstan quramasy kóp uzamaı tarazy basyn teńestirdi. Iаn Vorogovskııdiń shirene tartqan dobyn qaqpashy Aleksandr Gýtor ýysynan shyǵaryp alǵan edi. О́zgelerden oq boıy ozyq shyqqan Abat Aıymbetov qaqpashynyń qateligin sátti paıdalandy – 1:1.
Eger sol qaptaldaǵy qorǵaýshymyz Ǵafýrjan Súıimbaev óreskel qatelik jibermegende oıyn teń aıaqtalar ma edi, kim bilsin. Súıimbaev 86-mınýtta Belarýs fýtbolshylaryna «syılyq» jasady. Aıyp dobyn qosý kezinde qatelesken Súıimbaevtyń «syıyn» Vıtalıı Lısakovıch golǵa aınaldyryp, esepti 2:1-ge jetkizdi.
Qazaqstan úshin Belarýs quramasy alynbas qamalǵa aınaldy. Buǵan deıin eki qurama úsh ret jasyl alańǵa shyǵyp, Belarýs aıaqdopshylary ekeýinde jeńiske jetken (4:0, 5:1). Tek bir oıynda jeńimpaz anyqtalmady (1:1).
