Qaskóıdiń bul áreketinen ár óńirdiń turǵyndary ájeptáýir zardap shekken eken. Olardyń arasynda úsh petropavldyq ta bar. Jymysqy oıyn iske asyrmaqshy bolǵan alaıaq eski úılerdiń ıelerimen baılanysqa shyǵyp, olarǵa jańa salynyp jatqan úılerden páter alyp berýge kómektespekshi bolǵan.
Ol úshin bastapqy jarna salý jáne "qolushyn bergenine" azdaǵan soma tóleý qajettigin aıtqan. Jalǵan ýádege aldanǵandar alaıaqqa aqsha aýdarǵan. Sóıtip petropavldyq turǵynǵa keltirilgen shyǵynnyń somasy bes mıllıon teńgege jýyqtady.
Alaıaqty elordalyq polıseıler ustady. Ol Nur-Sultan qalasynyń 1986 jyly týǵan turǵyny bolyp shyqty.
– Qazirgi ýaqytta alaıaqtar zamanaýı tehnologııaǵa súıene otyryp, ınternettti jáne óz qurbandarynyń shotyna qashyqtan qoljetkizý múmkindigin paıdalanady, – deıdi SQO PD Krımınaldyq polısııa basqarmasynyń bastyǵy P.Klımov.
Sonymen qatar, alaıaqtar bertinge deıin kele jatqan aldaý tásilderin qoldanýda. Olardyń arasynda turǵyn úı aýmaǵyn tıimdi satý-satyp alý, qajetti qujattardy jasaýǵa "kómektesýge" nemese aqshany aınalymǵa jiberýge ýáde berý – alaıaqtar óz qurbandarynyń senimine kirip, qyzmet alýdy tezdetý úshin aqsha talap etedi. Polısııa ókilderi adamdardy asa saq bolýǵa, kúmándi usynystarǵa senbeýge, bógde tulǵalardyń olarǵa aqsha aýdarýy týraly aqparatty muqııat tekserýge shaqyrady. SQO polıseıleri jyl basynan beri barlyǵy 189 alaıaqtyqty ashty.
