Depýtattar "Qazaqstan Respýblıkasynyń keıbir zańnamalyq aktilerine erekshe qorǵalatyn tabıǵı aýmaqtar máseleleri boıynsha ózgerister men tolyqtyrýlar engizý týraly" Qazaqstan Respýblıkasy Zańynyń jobasyn qarady. Bul zań jobasy Parlament depýtattarynyń bastamasy boıynsha ázirlengen bolatyn.
Zań jobasynyń maqsaty erekshe qorǵalatyn tabıǵı aýmaqtardyń quramyna týrızm, sý sharýashylyǵy qurylysy nysandaryn salý jáne olardyń jumys isteýi, Qazaqstan Respýblıkasy Memlekettik shekarasynyń obektilerin jaılastyrý jáne olardyń jumys isteýi, qorǵanys muqtajy úshin olardyń quramynan buryn shyǵarylǵan jáne atalǵan maqsattarda paıdalanylmaıtyn bosalqy jerlerdi qaıtarý rásimin ońaılatý bolyp tabylady.
Zań jobasynyń erejeleri "Kókjaılaý" taý shańǵysy kýrortyn salý úshin erekshe qorǵalatyn tabıǵı aýmaqtardyń jerlerinen bosalqy jerlerge buryn aýystyrylǵan paıdalanylmaǵan jerlerdi jáne «Býrabaı» AEA týrıstik kesheni úshin berilgen jekelegen ýchaskelerdi qaıtarýdy quqyqtyq retteýge baǵyttalǵan.
Zań jobasy qabyldanǵan jaǵdaıda erekshe ekologııalyq, ǵylymı, tarıhı-mádenı jáne rekreasııalyq qundylyǵy bar jáne keri qaıtarylatyn jer ýchaskelerinde ornalasqan tabıǵı keshender men tabıǵı-qoryq obektileri saqtalatyn bolady.
Komıtet zań jobasynyń tujyrymdamasyna biraýyzdan qoldaý bildirip, Palatada birinshi oqylymda qaraýǵa engizýdi usyndy.
