Sportqa janashyr jandar 2 mıllıon teńge qarajat jınapty. Qalǵan qarjyny syrtta júrgen aýyl azamattary qospaq. Jańa sport zalynda kúres, boks, fıtnes zaldary jáne ústel ústindegi oıyndary ornalastyrylady.
Aýyldaǵy jeke kásipker Natalıa Kosıýba oıyn balalary úshin arnaıy zal ashty. Jobanyń quny – 3 mıllıon teńge. Nesin aıtasyz, munda jas urpaqtyń jaǵdaıy qapysyz oılastyrylýda. Taıaýda balalar dámhanasy da ashylǵan bolatyn. Onda dámi til úıiretin tátti taǵamdar satylady. Qazir balalar ǵana emes, ata-analary da dám tatýda. Bir aıta keterligi, Natalıa «Bastaý bıznes» baǵdarlamasy boıynsha biliktiligin arttyryp, óz isin dóńgeletip otyr. Shaǵyn aýyldaǵy tirshiliktiń tútini túzý ushyp keledi.
