Jáne munyń bári qur qııal emes, naqty iske ulasqan bastamalar ekeni qýantady. Buıyrsa, aldaǵy 2-3 jyl aralyǵynda jeke ınvestorlardyń isi jemisin bere bastamaq. Derek boıynsha, qazir aımaqta 279 joba naqty iske ulasyp, aıaqtalý satysyna jaqyn qalǵan. Quıylǵan qarajattyń jalpy kólemi 3,2 trln teńge shamasynda eken. Bul negizinen óńdeý ónerkásibi salasyna qatysty jobalar bolyp otyr. Nátıjesinde 21 000 jumys orny ashylady. Qazir óńirde transulttyq kompanııalardyń qatysýymen 9 joba iske asyrylyp jatyr. Tartylǵan ınvestısııa kólemi 140 mlrd teńgeni qurady. Aıtpaqshy, Almaty oblysyndaǵy atalǵan 9 joba jalpy elimiz boıynsha transulttyq kompanııalardyń qatysýymen iske asqan 19 jobanyń mańdaıaldysy. Iаǵnı, joǵardaǵy ıgi jaqsy ınvestordyń Jetisýǵa jıi moıyn buratyndyǵynyń bir dáleli osy bolsa kerek. Nátıjesinde «Lýkoıl» kompanııasy,«WILO Central Asia» kompanııasy, «Eneverse Kunkuat» kompanııasy, «Kýmsýat Farm» kompanııasy, «Alugal» kompanııasy, «Mareven Fýd Tıan-Shan» kompnaııasy, «Imperııa Fýd» kompanııasy, «KIF Warehouses» kompanııasy sııaqty álem naryǵyna tanymal, ónimderi joǵary suranysqa ıe alpaýyttardyń óndirisi jumys istep tur. Olar Almaty oblysynyń ekonomıkasyna qarjy quıýmen shektelip qalmaı, otandyq munaı-gaz ónerkásibi, farmasevtıka, agroónerkásip kesheni men basqa da saladaǵy óndiristiń damýyna serpin bergeni anyq.
Al óńirdiń damýyna ózindik úles qosyp otyrǵan memleket pen jekemenshik arasyndaǵy áriptestiktiń de mańyzy zor. Ásirese, ishki ınvestorlardyń ıinin jumsartyp, ekonomıkanyń damýy men áleýmettik baǵyttaǵy máselelerdi sheshýge kóndirý ıglikti is ekenin anyq. Demek, dál osy baǵytta Almaty oblysynda atqarylǵan istiń saýaby mol. Máselen, qazir oblystyń qorjynynda memlekettik-jekemenshik áriptestik aıasynda jalpy somasy 84 mlrd teńge bolatyn 51 joba bar eken. Onyń ishinde quny 54 mlrd teńge bolatyn 30 joba boıynsha kelisimshart jasalǵan. Al tartylǵan ınvestısııa kólemi 27 mlrd teńgeni quraıdy.
Derek boıynsha, memleket pen jekemenshik arasyndaǵy áriptestik aıasynda 22 nysan iske qosylǵan. Onyń ishinde 15 joba bilim salasyna qatysty eken. Jalpy, jekemenshik tarapynan áleýmettik nysandardyń qurylysyna qarjy salý dereginiń kóbeıýi quptarlyq jaǵdaı. Atap aıtqanda, óńirdiń medısınalyq mekemelerine aqparattyq júıeler keshenin engizýge ynta bildirge nınvestorlardyń qadamy densaýlyq saqtaý salasyn sıfrlandyrý maqsatyndaǵy mańyzdy joba boldy. Osy jobanyń aıasynda Taldyqorǵan qalalyq kóp salaly aýrýhanasynyń bazasynda joǵary ónimdilikti serverler arqyly málimetterdi óńdeıtin jaǵdaıattyq ortalyq quryldy. Server óńirdiń 13 medısına mekemesinde jasalǵan barlyq rentgendik zertteýler bir jerge jınaqtap, saqtaı alady. Bul óz kezeginde naýqastyń dıagnozyn erte anyqtaýǵa múmkindik berip, ekinshi jaǵynan radıolog dárigerdiń jetispeýshiligi máselesin sheshýge yqpal etedi. Osylaısha, densaýlyq saqtaý salasyn sıfrlandyrý jasandy ıntellekti naqty tájirıbede qoldaný men ozyq ǵylymı jetistikterdi paıdalanýǵa jol ashty. Sonyń nátıjesinde onkologııalyq aýrýlardy dıagnostıkalaýda ókpe jáne sút bezi ragyn erte bastan anyqtaý 13 paıyzdan 60 paıyzǵa deıin artqan. Iаǵnı, erte kezeńnen dıagnostıkalaý isiniń halyqtyń ómir súrý uzaqtyǵyn arttyrýdaǵy mańyzy zor. Sondaı-aq, Qarasaı aýdanynda zamanaýı tehnologııamen jabdyqtalǵan medısınalyq zerthana men Talǵar aýdanynda ashylǵan 60 oryndyq ońaltý ortalyǵy da eki jaqty áriptestiktiń naqty dáleli bolyp otyr.
Memleket pen jekemenshik áriptestiniń áleýeti óńirdegi sport salasynyń ınfraqurylymyn damytýǵa da oń áserin tıgizdi. Joba qolǵa alynǵaly beri oblysta sport baǵytynda jalpy somasy 22 mln teńge bolatyn 5 joba júzege asyryldy. Oblystyń ár túkpirinde salynǵan dene shynyqtyrý-saýyqtyrý jáne sport keshenderi ár túrli jastaǵy turǵyndardyń, áleýmettik áljýaz toptardyń, aýyl turǵyndarynyń sporttyq ınfraqurylym nysandaryna qoljetimdiligin arttyrdy. Sol sııaqty sportpen aınalysatyn, salamatty ómir saltyn ustanatyn turǵyndar qatarynyń artýyna jaǵdaı jasady. Solardyń qataryndaǵy eń iri jobalardyń biri – oblys ortalyǵynda salynǵan olımpıalyq tıptegi jabyq júzý basseıni. Jobanyń quny 13 mlrd teńgeden asady, jalpy alańy 27 myń sharshy metr. Nysan júzýden, akvaaerobıkadan, sý dobynan, sýǵa sekirýden oqý-jattyǵýlaryn ótkizýge arnalǵan. Sonymen qatar múmkindigi shekteýli azamattardyń jattyǵýyna da jaǵdaı jasalǵan.
Al bıyl Almaty oblysynda jalpy somasy 30 mlrd teńgeden asatyn 21 joba iske asýy tıis. Sonyń ishinde bilim salasynda quny 2,5 mlrd teńgeni quraıtyn 21 joba bolsa, densaýlyq saqtaý men energetıka salalarynda 16,6 mlrd teńge kólemindegi 6 joba bar. Jáne quny 2,4 mlrd teńge bolatyn eki joba sport salasyna qatysty eken. Sol sııaqty,týrızm, mádenıet, qaýipsizdik salasy boıynsha da eki jaqty áriptestik ornap, 10 mlrd teńgege jýyq qarjy ıgerilmekshi.
