Ár túıir dán altynǵa balanǵan shaq

Eginjaıdaǵy astyq úshin arpalys erterek bastalǵanymen, kúzgi jaýyn-shashyn qol baılap tur. Ázirge dándi daqyldardyń 3153,7 myń gektary bastyryldy. Ázirshe gektar berekesi 10 sentnerden aınalýda. Bıyl­ǵydaı asa qolaısyz jyly táp-táýir kórsetkish. Jaz eresen ystyq boldy. О́ńirdegi keıbir aýdandarda masaq baılanar sátte tabıǵat qyryn qabaq tanytty. Áıtse de, ormandy al­qaptardaǵy eginniń jaı-kúıi qanaǵattarlyq. Endi ýaqytpen sanaspaı, utymdy qımyl­daǵan jón. Bul úshin árbir ashyq sátti qapysyz, tıimdi paıdalaný shart. 

Oraq jumystaryna alǵashqy lekpen kirisken Sandyqtaý, Jar­qaıyń, Jaqsy, Esil, Selıno­grad, Arshaly, Birjan sal, Atba­sar, Býrabaı, Astrahan aýdan­dary bastapqy ekpindi tómen­deter emes. Oblystyq aýyl sha­rýa­shy­lyǵy basqarmasynyń de­rek­terine súıensek, atalǵan óńir dı­qandary búkil egistiktiń 70 paıyzyna taıap qaldy. Jalpy óńirlik kórsetkishtiń 65 paıyzǵa jaqyndaýy ózge aýdandardyń da qarqynǵa qarqyn qosa bas­taǵanyn ańǵartady.

Qyrmanǵa jetkizilgen astyq­tyń kólemi de 3153,7 myń tonnany qurap, byltyrǵy sáıkes mer­zimdegiden 2192,3 myń ton­naǵa asyp tústi. Buǵan qarap mynadaı esep jasaýǵa bolady: jumys josparyna sáıkes, mehanızatorlar keshegi kúni 245,5 myń gektardyń ónimin jınady. Iаǵnı naýqandy 18 jumys kúni ishinde tolyq aıaqtaýǵa múm­kin­dik bar dep aıtýǵa ábden bolady. Bulaı topshylaýǵa negiz de bar. Naýqandyq jumystarǵa 8145 astyq kombaıny, onyń ishinde 3 myńnan astam joǵary ónim­di tehnıka jumyldyrylýda. Bul jaı agrarshylardyń egin jınaý jumysyna muqııat daıyndal­ǵan­dyǵyn kórsetedi. Osyndaı talpynystyń nátıjesinde oraq jumystarynyń kórsetkishi 70,9 paıyzǵa jetip otyr.

Dıqandar memleket tarapynan naýqandyq jumystarǵa 72,6 mlrd teńge bólingenine, munyń 37,3 mlrd teńgesi qaı­ta­rymsyz (sýbsıdııa) qarjy eken­digine rızashylyq bil­di­rýde. Osyndaı qoldaý arqyly agroóndiristik keshender men sharýa qojalyqtary sońǵy úsh jarym jylda jalpy quny 23,5 mlrd teńgeniń 992 kombaınyn, 270 egis keshenderin satyp aldy.

Kúzgi dala jumystaryn júr­­gizý úshin janar-jaǵarmaı jet­­kilikti kólemde tasymal­danyp alyndy. Arnaıy lısen­zııa­lan­ǵan 65 kásiporyn astyqty qabyl­daýda. Olardyń jalpy saqtaý syıym­dylyǵy – 4,2 mln tonna. Oǵan qosa, jer­gi­lik­ti aýyl sha­rýashylyǵy qu­ry­lym­darynda shamamen 2,4 mln ton­nalyq astyq qoımalary bar.

Sondaı-aq oblys dıqandary kelesi jyldyń molshylyǵyn qamdaý maqsatynda qazirdiń ózin­de 279,1 myń tonna tuqym qoryn, ıaǵnı, mejelengen kólem­niń 52,7 paıyzyn qambaǵa qu­ıyp úlgerdi. Barlyq aımaqta kúzgi jer baptaý jumystary júr­gizilip jatyr.

Aqmola oblysy