Buǵan deıin qalaǵa О́JJ apparattary, pýlsoksımetrler jáne ottegi konsentratorlary bar gýmanıtarlyq júk kelgen bolatyn.
Bul kómek "Samuryq-Qazyna" AQ men QR Densaýlyq saqtaý mınıstrligi arasyndaǵy yntymaqtastyq týraly Memorandým aıasynda kórsetildi. "Samuryq-Qazyna" AQ kompanııalar toby qaıyrymdylyǵynyń biryńǵaı operatory – "Samruk-Kazyna Trust" Áleýmettik jobalardy damytý qory qajetti jabdyqtardy satyp alyp, olardy óńirlerge jiberdi.
Osylaı Almatyǵa 5 ókpeni jasandy jeldetý apparaty (О́JJ), 10 ottegi konsentratory, 80 pýlsoksımetr jetkizildi. Sondaı-aq, oblysqa Shevrolet Damas markaly 4 jedel járdem kóligi keldi.
"Biz "Samuryq-Qazyna" kompanııalar tobyna kórsetken kómegi úshin rızamyz. Otandyq medısına alǵash ret osyndaı úlken qaýippen betpe-bet keldi. tap boldy. Elimizde koronavırýspen kúreste aldyńǵy qatarda turǵandardy qoldaýǵa daıyn kóptegen azamattardyń bar ekenine óte qýanyshtymyz. Bizdiń yntymaqtastyǵymyz aldaǵy ýaqytta da jalǵasa beredi jáne ortaq kúsh-jigermen biz jaqyn arada qalypty ómirge orala alamyz dep úmittenemiz", – deıdi Almaty qalasy Qoǵamdyq densaýlyq basqarmasynyń basshysy Kamaljan Nadyrov.
Aıta keteıik, mundaı jıyntyqtardy árbir oblys, sondaı-aq respýblıkalyq mańyzy bar qalalar alady.
"Bul sharalardyń barlyǵy bizdiń medısınamyzdyń juqpaly aýrýlarmen, sonyń ishinde COVID-19 koronavırýstyq ınfeksııamen kúresýge daıyndyq deńgeıin arttyrýǵa jáne ulttyq densaýlyq saqtaý júıesin nyǵaıtýǵa baǵyttalǵan", – deıdi "Samruk-Kazyna Trust" Qorynyń resmı ókili Mıras Irgebaev.
Jáne Memorandým aıasynda respýblıka boıynsha Densaýlyq saqtaý júıesin uıymdastyrýǵa 100 jedel járdem kóligi, 1 000 ottegi konsentratory, 50 О́JJ apparaty, 1 000 pýlsoksımetr jetkiziletin bolady.
ALMATY
