Aýdannyń týmasy, jeke kásipker, halyqaralyq Kusto Group kompanııasynyń negizin qalaýshylardyń biri, Talǵat Turymbaev quny 40 mıllıon teńgeni quraıtyn jyljymaly reanımobıldi satyp alyp, medısınalyq mekemege syıǵa tartty.
Aıta ketken jón, 2002 jyly qurylǵan Kusto Group kompanııasy álemdegi 10 elde jumys isteıdi. Onyń ishinde, Kanada, Qytaı, Grýzııa, Izraıl, Qazaqstan, Reseı, Sıngapýr, Túrkııa, Vetnam, Ýkraına memleketteri bar.
Top quramynda 30 kompanııa bar desek, onda 8000 qyzmetker eńbek etedi.
Kompanııanyń basty baǵyttarynyń biri – qaıyrymdylyq jasaý. Kusto Group kompanııasynyń qaıyrymdylyq qory birinshi kezekte halyqtyń eń osal toptaryna jáne medısına qyzmetkerlerine kómek kórsetip keledi. Buǵan deıin, jýalylyq atymtaı jomart pandemııa kezinde aýdanǵa qolushyn sozǵan. Ol ortalyq aýrýhanaǵa qajetti dári-dármekter, medısına qyzmetkerlerine arnalǵan qorǵanysh quraldaryn jáne 30 ottegi ballonnyń jetkizip bergen. Sondaı-aq kásipker aýrýhanadaǵy ınfeksııalyq bólimge ottegi jetkizý júıesin ornatýǵa yqpal etti. Demeýshi kómeginiń jalpy sommasy 102 mln teńgeni quraıdy.
Reanımobıldi tabystaý rásimi aýdandyq ortalyq aýrýhanada ótti. Saltanatty sharaǵa medısınalyq qyzmetkerler jáne aýdannyń turǵyndary qatysty. Jýaly aýdanynyń ákimi Narbaı Ergebekov sharaǵa qatysýshylardy qýanyshty sátpen quttyqtady. Ol ýaqytpen sanaspaı, óz densaýlyqtaryn qaterge tigip, adamdardy qaýipti indetten arashalaýǵa baryn salǵan dárigerler men medısınalyq qyzmetkerlerge alǵysyn bildirdi. Sondaı-aq Talǵat Turymbaev ta jerlesterine nazar aýdaryp, jýalylyq medısına qyzmetkerlerine degen rızashylyǵyn jetkizdi.
Bolashaqta kompanııa OAA-ǵa taǵy bir mobıldi sıfrlyq dıagnostıkalyq jabdyqty ornatpaq nıette, sonymen qatar oblystaǵy az qamtylǵan otbasylarǵa arnalǵan eki turǵyn úıdi paıdalanýǵa bermek.
