"Dostar, bıznes pen ınvestısııalardy sybaılas jemqorlyq qysymynan jáne ákimshilik kedergilerden qorǵaý – eldiń kún tártibindegi negizgi basymdyqtarynyń biri ekeni sózsiz. Osy jyldyń 19 tamyzynda sybaılas jemqorlyqqa qarsy is-qımyl máseleleri jónindegi keńeıtilgen keńeste Memleket basshysy osy baǵytty kúsheıtýge basa nazar aýdardy. Bul másele jyl saıynǵy Joldaýda da naqty aıqyndaldy. Shaǵyn jáne orta bıznes COVID-19 pandemııasy jaǵdaıynda qıyn kezeńdi bastan keshýde. Qazir ShOB burynǵydan da zor qoldaýdy qajet etedi. Osy turǵydan alǵanda kásipkerlik qyzmetke zańsyz aralasý "memleketke qarsy eń aýyr qylmys" retinde qarastyrylýy tıis. Shaǵyn bıznes boıynsha halyqaralyq keńestiń (ICSB) derekterine sáıkes, ShOB álemdegi barlyq kásiporyndardyń 90%-dan astamyn qurap, shamamen halyqty jalpy 70% jumyspen qamtýdy jáne IJО́-niń 50%-yn qamtamasyz etedi", dep jazdy Alık Shpekbaev.
Onyń aıtýynsha, azamattardyń ál-aýqaty jeke sektordaǵy isterdiń ahýalyna tikeleı baılanysty ekenin naqty túsiný qajet.
"Bul – salyq túsimderi, jumys oryndaryn qurý, jańa tehnologııalar jáne adam kapıtalyn damytý. Bir sózben aıtqanda, bıznes memleketke halyq aldyndaǵy áleýmettik mindettemelerdi oryndaýǵa kómektesedi. Biz bızneske neǵurlym tıimdi jaǵdaı jasasaq, soǵurlym ol ónimdi jumys istep, qoǵamǵa paıda ákeledi. Agenttik sońǵy úsh jylda sheneýnikterdiń zańsyz aralasýynan myńnan astam kásipkerdiń múddelerin qylmystyq-quqyqtyq sharalarmen qorǵady. Bul jumys jalǵasyn tabady. Sonymen qatar Sybaılas jemqorlyqqa qarsy qyzmettiń árbir ofıseri bıznes isine aralasý faktilerine jol bermeý týraly jeke eskertildi.
Búgin men keshendi aldyn alý baǵytyna tolyǵyraq toqtalǵym keledi. 2018 jyldan bastap biz Syrtqy ister mınıstrligimen, "Kazakh Invest "UK" AQ-men jáne "Atameken" UKP-men birlesip "Protecting business and investments" jobasyn iske asyryp kelemiz. Qazirgi ýaqytta oǵan jańa serpin berildi. Negizgi maqsat – bıznes pen ınvestorlardyń qyzmet úderisterin sybaılas jemqorlyqqa qarsy súıemeldeý arqyly olardyń memlekettik bılik ınstıtýttaryna senimin arttyrý", delingen jazbada.
Sondaı-aq ol kásipkerlerdiń týyndaǵan máselelerin sheshýde quqyqtyq alań aıasynda kómek kórsetiletinin aıtyp ótken.
"О́kinishke qaraı, kásipkerler kóp jaǵdaıda bıýrokratııalyq kidirister men qaǵazbastylyqty bastan keshire otyryp, "kabınetter aralaýǵa" májbúr. Alaıda, olar jalǵyz kúresýge tıisti emes. Búgingi tańda bizdiń aýmaqtyq departamentterimizdiń sybaılas jemqorlyqqa qarsy súıemeldeýimen jalpy ınvestısııa somasy 12 trln teńgeden asatyn 500-den astam bıznes-joba júzege asyrylýda. Jobalardyń 20%-y – sheteldik ınvestorlardyń salymy. Olardyń kóbisi Qytaı, Reseı, Germanııa jáne Túrkııa elderinen. BAÁ, AQSh, Polsha, Nıderland jáne basqa da elderdiń bıznesmenderiniń qatysýyn atap ótkim keledi. Is júzinde árbir ekinshi joba – óńdeý ónerkásibi salalarynda, árbir besinshi joba – aýyl sharýashylyǵynda iske asýda.
Biz ilespe bıznes júginetin problemalyq máselelerdi zerttedik. Olar negizinen ınvestorlyq vızalarǵa, lısenzııalarǵa, salyq salýǵa, kedendik bajdarǵa, jospardan tys tekserýlerge jáne jer qatynastaryna qatysty", dedi ol.
Sonymen qatar ol bıznespen jumys "bir qaqpanyń oıyny" bolmaýy kerek ekenin atap ótti.
"Kásipkerlerdiń ózderi memlekettik organdarmen ózara is-qımyl kezinde zańsyz is-áreketterdiń bastamashysy bolatyn jaǵdaılar jıi kezdesedi. Agenttiktiń bıznes-jobany sybaılas jemqorlyqqa qarsy súıemeldeýiniń negizgi sharty – sheteldik, sondaı-aq otandyq ınvestor birdeı shartta adal bıznes júrgizýge mindettenetin kelisimge qosylý. Bul baǵytta kásipkerlerdiń sanasyn ózgertý mańyzdy. Isterdi júrgizý kezinde parasattylyq berik standart bolýy kerek. Buǵan halyqaralyq uıymdardyń birqatar usynymy, atap aıtqanda, "Shyǵys Eýropa men Orta Azııadaǵy bıznestiń parasattylyǵy" jáne "Bıznesti jaýapty júrgizý" atty EYDU-nyń sybaılas jemqorlyqqa qarsy standarttary men zertteýleri dálel bola alady", delingen jazbada.
Onyń aıtýynsha, bul úderis kvazımemlekettik sektorda sybaılas jemqorlyqqa qarsy komplaens ınstıtýtyn tolyqqandy engizýmen aıtarlyqtaı jandanady. Tıisti zań jobasyn Májilis jáne birinshi oqylymda Senat maquldaǵan.
"Eger sizdiń bıznes-jobańyz iskerlik parasattylyq qaǵıdattaryn saqtaı otyryp jumys isteýge daıyn bolsa, biz óz tarapymyzdan sizdi qoldap, sybaılas jemqorlyq kórinisteri men ákimshilik tosqaýyldardan qorǵaýǵa daıynbyz. Eger sizdiń antıkor-súıemeldeýge ótinim berý jáne kelisimge qosylý týraly suraqtaryńyz bolsa, +7 (707) 350-63-07 jáne +7 (701) 575-40-37 (WhatsApp) telefondary boıynsha jobalyq keńseniń úılestirýshilerine júgine alasyz. Olar Agenttiktiń aýmaqtyq departamentteri janyndaǵy "Antikor Ortalyǵy" servıstik ortalyǵynda Antıkor men óńirlik kásipkerler palatasynyń qyzmetkerlerimen kezdesýińizdi qamtamasyz etedi", dep jazdy A.Shpekbaev.
