Oblys ákiminiń orynbasary Baqytgúl Hamenovanyń aıtýynsha, joǵary bilimdi medısına qyzmetkerleriniń tapshylyǵy óńirdegi eń kúrdeli máseleniń birine aınalyp otyr. Ásirese pandemııa bastalǵan 300-ge jýyq mamannyń jetispeýi atalǵan salaǵa aýyr salmaq saldy. Sol sebepten, oblys ákimi Mahambet Dosmuhambetovtiń tapsyrmasymen medısına salasyn bilikti mamandarmen qamtý úshin naqty qadamdar jasaldy.
"Atap aıtqanda, maýsym, shilde aılarynda aımaqqa 100-den astam jas maman tartylyp, olardy yntalandyrý, qoldaý tetikteri kúsheıtildi. Sonymen qatar, medısına salasyna beriletin granttar sany kóbeıtildi. Endi oblys ákiminiń grantyna ıe bolǵandar M.Ospanov atyndaǵy Batys Qazaqstan memlekettik medısınalyq ýnıversıtetinde, Qazaq medısına ýnıversıtetinde, S.Asfendııarov atyndaǵy Qazaq ulttyq medısına ýnıversıtetinde, Astana medısınalyq ýnıversıteti men Ulttyq ǵylymı kardıohırýrgııa ortalyǵynda bilim alady", deıdi Baqytgúl Hamenova.
Osylaısha, bıyl oblys ákiminiń grantyna asa mańyzdy salalar boıynsha joǵary bilim alýdy kózdegen 189 jas ıe boldy.
