159,8 myńnan astam adam sýbsıdııalanatyn jumys oryndarymen qamtyldy, onyń ishinde 17 myń adam áleýmettik jumys oryndaryna, 26 myń adam jastar tájirıbesine, 116 myń adam qoǵamdyq jumystarǵa ornalastyryldy. Eńbek resýrstarynyń utqyrlyǵyn arttyrý maqsatynda ústimizdegi jyldyń 1 qyrkúıegine jumys kúshi artyq ońtústik óńirlerden 4 386 adam, ıaǵnı 1 273 otbasy qonys aýdardy.
2020 jylǵy 1 qyrkúıektegi jaǵdaı boıynsha qysqa merzimdi oqý kýrstaryna 13,6 myń adam jiberildi, onyń ishinde 1,4 myń adam oqýdy aıaqtap, 484 adam jumysqa ornalastyryldy.
Memlekettik baǵdarlama aıasynda jyl basynan beri jappaı kásipkerlikti damytý úshin 30,4 mlrd teńge somasyna 6 984 mıkrokredıt berildi, onyń ishinde aýyldyq kásipkerlerge 25,9 mlrd teńgege 3 687 mıkrokredıt berildi. Mıkrokredıt alýshylar 7 382 jumys ornyn ashty. Jappaı kásipkerlikti damytý aıasynda mıkrokredıtteýdi 2020 jylǵa deıin qarjylandyrý kólemi 52,6 mlrd teńgeni quraıdy, onyń 82,3%-y (43,3 mlrd teńge) aýyldyq jerlerge jáne 17,7%-y (9,3 mlrd teńge) qalalarǵa keledi.
Sondaı-aq baǵdarlamaǵa qatysýshylarǵa jańa bıznes-ıdeıalardy júzege asyrý úshin 200 AEK mólsherinde 38 myńnan astam memlekettik grant beriledi. Aǵymdaǵy jyldyń 1 qyrkúıegine 20 myńnan asa grant bólinip úlgerdi.
Budan bólek, "Bastaý Bıznes" jobasy boıynsha 30 myń adam kásipkerlik negizderine oqytylady.
