Osylaı dep atalǵan fotobaıqaýdyń jeńimpazdary keshe Astanada ótken saltanatty jıynda anyqtaldy. Al jeńimpaz sýretter arnaıy kórmege qoıyldy.
Kórme «Qazgıdromet» RMK bastamasymen uıymdastyrylǵan. Baıqaý ústimizdegi jyldyń 5 maýsymynda jarııalanǵan eken. Al bul kún álemde Qorshaǵan ortany qorǵaý kúni retinde atalyp ótiledi.
Osylaı dep atalǵan fotobaıqaýdyń jeńimpazdary keshe Astanada ótken saltanatty jıynda anyqtaldy. Al jeńimpaz sýretter arnaıy kórmege qoıyldy.
Kórme «Qazgıdromet» RMK bastamasymen uıymdastyrylǵan. Baıqaý ústimizdegi jyldyń 5 maýsymynda jarııalanǵan eken. Al bul kún álemde Qorshaǵan ortany qorǵaý kúni retinde atalyp ótiledi.
Baıqaý negizinen elimizdiń tabıǵatyn san túrli qyrynan tanytyp, sulýlyǵyn, qubylmaly klımattyq minezin, asqar-ala taýlaryn, ný ormandaryn, kólderi men shólderin, tabıǵı qoryqtaryn, sol tabıǵatty mekendeıtin ańdary men qustaryn, taǵy-taǵylaryn búgingi zamanǵy qorshaǵan ortany sýretteýdiń jetik tásili – fotoobektıv arqyly jalpaq jurtqa pash etýdi maqsat etipti. Oǵan elimizdiń túkpir-túkpirinen jalpy sany 912 fotosýret kelip túsipti. Al kórmege onyń 80-i ǵana iriktelip alyndy. Olar 12-15 tamyz kúnderi arnaıy mamandar, elimizdiń ataqty fotograftary, sala mamandarynan qurylǵan qazylar alqasy sheshimimen tańdalynǵan. Al odan soń ol týyndylar ınternet-daýysqa salynyp, arasynan júldegerler anyqtalǵan. Nátıjesinde, 1-oryn ıegeri 461 daýys jınaǵan almatylyq Maqsat Qusaıynov dep tanyldy. 2-oryndy 312 daýyspen – Irına Sokol aldy, ol da Almaty qalasynan. 3-oryn 262 daýyspen Mańǵystaý oblysy Aqtaý qalasynan Tatıana Pershakovaǵa buıyrdy. Al yntalandyrý syılyqtary Shyǵys Qazaqstan oblysy, Ulan aýdany, Tarǵyn aýylynan kelgen Dasken Baıtıbaev jáne almatylyq Sársenbek Qazybekuly men tarazdyq Altynbek Qartabaıǵa berildi.
Kórmege qatysýǵa eki aı ýaqyt berildi, ıaǵnı 5 maýsymnan 10 tamyzǵa deıin úmitkerlerdiń sýretteri qabyldandy. Qatysýshylardy kásipqoı, áýesqoı dep bólmegen, jas erekshelikterine baılanysty da eshqandaı shek qoıylmaǵan. Jalpyǵa ortaq baıqaýǵa 10-nan 65 jasqa deıingi azamattar qatysqan.
Saltanatty jıyn sońynda fotokonkýrsqa qatysyp, sýretteri kórmege qoıylǵan azamattardyń barlyǵyna arnaıy syılyqtar men sertıfıkattar tapsyryldy. Kórmeden keıin fotosýretter Qorshaǵan ortany qorǵaý mınıstrliginiń jáne «Qazgıdromet» RMK ǵımarattarynyń dálizderine ornalastyrylady.
«Egemen aqparat».
