Qazaqstan Respýblıkasynyń Qorǵanys mınıstri Ádilbek Jaqsybekov resmı saparmen Ulybrıtanııada boldy. Londondaǵy Koroldik qurmetti qaraýyldyń qatysýymen ótken kezdesýdiń resmı rásiminen keıin Qazaqstan men Ulybrıtanııa qorǵanys vedomstvolarynyń basshylary Ádilbek Jaqsybekov pen Fılıpp Hammond ekijaqty kelissózder júrgizdi.
Qazaqstan Respýblıkasynyń Qorǵanys mınıstri Ádilbek Jaqsybekov resmı saparmen Ulybrıtanııada boldy. Londondaǵy Koroldik qurmetti qaraýyldyń qatysýymen ótken kezdesýdiń resmı rásiminen keıin Qazaqstan men Ulybrıtanııa qorǵanys vedomstvolarynyń basshylary Ádilbek Jaqsybekov pen Fılıpp Hammond ekijaqty kelissózder júrgizdi.
Kezdesý kezinde taraptar Qazaqstan-Brıtanııa áskerı jáne áskerı-tehnıkalyq yntymaqtastyǵynyń qazirgi jaǵdaıy men bolashaqta ony odan ári damytý máselelerin talqylady.
– Ulybrıtanııa Qazaqstannyń strategııalyq seriktesi bolyp tabylady, osyǵan baılanysty biz jan-jaqty qarym-qatynasqa aıryqsha mán beremiz. Bizdiń Prezıdentimiz Nursultan Nazarbaevtyń Ulybrıtanııa Premer-mınıstrimen aradaǵy dostyq qarym-qatynasy dástúrli sıpat aldy, ekijaqty baılanystardyń qolaıly damýyna múmkindik jasady. Bıyl jazda Premer-mınıstr Devıd Kemeronnyń Qazaqstanǵa sapary atalǵan dástúrdiń dáleli. Sol sapar keleshekte ózara qolaıly yntymaqtastyqtyń strategııalyq deńgeıine kóshýimizdi anyqtap berdi, – dep atap ótti Qazaqstan Qorǵanys mınıstri.
Qazaqstan men Ulybrıtanııa bitimgerlik pen áskerı bilim salasynda belsendi yntymaqtastyqta. Á.Jaqsybekov pen F.Hammond eki eldiń bitimgerlik bólimsheleriniń birlesken komandalyq-shtabtyq jattyǵýlary máselelerin, sondaı-aq, áskerı ǵylym salasy boıynsha ózara qarym-qatynastar jaıyn talqylady.
Qazaqstan armııasy búginde kásibı negizge kóshý kezeńinde tur, bul iste Brıtanııanyń baı tájirıbesi bar. Qazaqstan Qarýly Kúshter qataryna qyzmetkerler qabyldaýdyń ádisterin, kadr saıasatyn júrgizýdi, jaýyngerlik daıarlyqty uıymdastyrýdy, bıýdjettik josparlaý men áleýmettik qamtamasyz etý negizderin úırenýge múddeli.
Osy kúni Qorǵanys mınıstrliginde Á.Jaqsybekov Birikken Koroldiktiń Qarýly kúshteri Qorǵanys shtabynyń bastyǵy, general Nıkolas Haýgtonmen jáne Ulybrıtanııa Qarýly kúshteri Bas shtabynyń bastyǵy, general Pıter Ýolmen kezdesýler ótkizdi. Brıtandyq generalıtetpen kelissózdiń negizgi taqyryby Ulybrıtanııa Qarýly kúshteriniń kásibılendirilýi boldy.
Londonda qazaqstandyq áskerı delegasııa Ulybrıtanııanyń Saýda-ınvestısııalyq palatasy (UKTI DCO) men jerseriktik baılanys quraldaryn óndirý boıynsha álemdegi eń iri kompanııalardyń biri bolyp tabylatyn InMarSat kompanııasynda boldy. Ǵalamdyq jerseriktik baılanys júıesin ázirleýshi jáne jasaýshy bolyp tabylatyn «Inmarsat» kompanııasy qazirgi ýaqytta tórtinshi býynnyń geostasıonarlyq jerserikterin paıdalanady.
«Egemen-aqparat».
