Jasandy ıntellekt indetke shaldyqqandardy emdeýge septesedi

Endigi jerde Almaty qalalyq qoǵamdyq den­saýlyq basqarmasy, sıfr­landyrý basqarmasy men iMedHub kompanııasy birigip, qanatqaqty jobada ıntellekt algorıtmi negizinde koronavırýs ınfeksııasymen ókpeniń zaqymdanýyn erte kezeńde anyqtaýǵa múmkindik be­retin júıeni iske qosty. Kom­pıýterlik tomografııa kezinde bultty qoımaǵa jiberýge múmkindik be­retin PACS júıesi ornalastyryldy, ol jerde óńdeý, analıtıka júrgiziledi jáne sıpattama qosylady.

Qazirgi ýaqytta «iMedHub medısınasy jáne neırondyq jeli» jobasy №1 qalalyq emhanada jáne №7 qalalyq klınıkalyq aýrýhanada aqparattyq júıelermen biriktirilgen, sondaı-aq jaqyn arada 56 emhanany qosý josparlanyp jatqan jaıy bar. Sonymen qatar №29 qalalyq emhanada jáne №18 qalalyq emhanada ıntegrasııalaý boıynsha qanatqaqty jumystar júr­gizilýde.

«iMedHub medısınasy jáne neırondyq jeli» jobasy ortalyq stansadan qashyqtan jedel áreket etý múmkindigi bar ahýaldyq ortalyqtan turady. Bul sizge zertteýge ótinimderdi avtomatty túrde jiberýge, qabyldaýǵa, tirkeýge, dıag­noz qoıýǵa jáne dári-dár­mek terapııasyn taǵaıyn­daý kezinde sheshim qabyl­daýǵa múmkindik beredi. Atalǵan júıede dáriger men naýqas arnaıy qosym­sha arqyly sóılese alady. Jasandy ıntellekt meha­nızmin qoldana otyryp, she­shim­derdi qoldaý júıesi dıag­noz qoıylǵanǵa deıin adam úshin qaýip dá­re­jesin anyqtaýǵa múm­kindik be­redi. Onyń qa­zirgi jaǵ­­daıyn baǵalaý jáne as­qynýlardy aldyn ala boljaýǵa jol ashady. Budan basqa, joba gospıtaldyq blok­taǵy ár naýqastyń jaǵ­daıyn aqyldy monıto­rıngteýge arnalǵan or­ta­­lyqtandyrylǵan Sıfr­ly júıeni qu­rýy kerek, boljamdy aýyr­lyq dárejesine baılanys­ty emhanadaǵy naýqas­tardyń maqsatty bólinýin anyqtaýy tıis. Árbir naý­qastyń em-domyn júr­gizýdiń naqty statıstıkasy men taldaýy úshin biryńǵaı medısınalyq platforma qurylady.

Bıznes-prosesterdi oń­taılandyrý, sáýlelik dıagnostıka bólimshesiniń ónimdiligin arttyrý (or­ta eseppen 70%) jáne qar­jylyq resýrstar­dy únemdeý úshin Orta­lyq­tan­dyrylǵan medı­sınalyq muraǵat (PACS) júıesin engizý josparlanyp otyr.

Árbir medısınalyq uıym 2 jyl saqtaý merzi­mimen jergilikti PACS júıe­simen (MINI-PACS SERVER) jabdyqtalady. Qalalyq uıymdardyń aqparattyq júıeleri jergilikti PACS júıesimen (MINI-PACS SERVER) biriktirilmek. Bul derekter 5 jyl saqtaý merzimimen ortalyqtandyrylǵan me­dısınalyq muraǵatqa (CloudPACS Server) jiberýdi qamtamasyz etedi. Sonymen qatar barlyq derekterdi (sýretterdi) veb-sholýshy quraly usynady. Qajet bolǵan jaǵdaıda, kez kelgen óndirýshi radıo­logynyń tolyqqandy stansasyn qosýǵa bolady.

Osy arada elimiz­de ázirlengen Ortalyqtan­dyrylǵan medısınalyq muraǵat (PACS) shetel­dik sheshimderge qara­ǵanda 2,5 ese arzan eke­nin aıta ketý kerek. Or­talyq­tandyrylǵan me­­­­dı­sı­nalyq muraǵat júıe­­siniń (PACS) kóme­gimen dıagnostıkalyq qon­dyrǵylardan dári­gerge jáne birinshi dári­gerden ekinshi dári­ger­ge beınelerdi jiberý, derek­terdi saqtaý, kes­kin­der­di elektrondy mu­raǵatta berý nusqalary qoljetimdi bolmaq. Barlyq medısınalyq uıymdar derekterge qashyqtan qol jetkize alady.

Bul joba jeke IT-bız­nes pen medısınalyq uıym­dardaǵy ákimshilik bóliminiń ózara is-qımyl nátıjesindegi jaqsy keıs­teriniń biri.

ALMATY