Joldaýda kóptegen másele oryndy kóterilgen. Tek oǵan halyq bolyp, «bir jaǵadan bas, bir jeńnen qol shyǵaryp» degendeı bir kisishe jumyla qoldaý tanytyp, qýattaı bilýimiz kerek. Biz, qaı-qaısymyz bolsyn: «Iá, Joldaýdy oqydyq. Endi bul qalaı júzege asar eken?» degendeı boıkúıezdik tanytpastan, oǵan jańasha kózqaraspen ózimizden bastap ondaǵy atap kórsetilgen ózekti máselelerdi júzege asyrýǵa súbeli úles qosa bilýimiz kerek. О́ıtkeni Prezıdent búkil halyq bolyp atqarylýǵa tıis ómirsheń máselelerdiń basyn biriktirip, bizge usynyp otyrǵan joq pa?
Mysaly, Joldaýdaǵy: «Qoljetimdi ári sapaly bilim» – dep atalatyn bóliminde balalar úıirmesiniń qyzmetin qaıta qalpyna keltirý jóninde aıta kelip: «Onda jastarymyz qolónerdiń jáne shyǵarmashylyqtyń bastapqy negizderimen tanysar edi» degendi aıtady. Olaı bolsa, sol bastapqy negizdi balalardyń boıyna sińire biletin mamannyń ózi bul jaýapkershilikti tereń sezine biletindeı ozyq oıly, bıik dárejeli bilim ıesi bolýǵa tıis. Ol izdenistiń adamy, jańashyl bastamany birinshi bolyp ózi kóteretindeı saýatty, eńbekshil, otanshyl azamat bolýy kerek. Mine, Prezıdent osyny júktep, talap etip otyr.
Osy tusta Memleket basshysynyń: «Balalar úshin qaterli búgingideı aýmaly-tókpeli zamanda olardyń kúsh-jigeri men qyzyǵýshylyǵyn durys arnaǵa baǵyttaý mańyzdy. Balalar memleketimizdiń bolashyǵy emes pe?! Ákimderdiń jumysyn osy ólshem boıynsha da baǵalaımyz» degen sózin biz taza júregimizben, naqty qabyldaýymyz kerek. Bul aıtylǵan tekti sózdiń negizine laıyqty sapaly jumys atqaryp, Prezıdent tapsyrmasyna úlken iskerlikpen jaýap berýimiz qajet. Joldaý oryndalýymen qundy.
Sol sııaqty Joldaýda atap kórsetilgen myna bir máselege de jan-jaqty ári erekshe saýattylyq tanyta qarasaq deımin. Mysaly: «Qaıtalap aıtamyn: memlekettik qurylymdardyń kásipkerlik qyzmetke kez kelgen zańsyz aralasýy, bıznesmenderdiń jumysyna kedergi keltirý memleketke qarsy jasalǵan aýyr qylmys retinde baǵalanýy kerek» degen Prezıdent sózin sol kásipkerlerdiń ózi: «Boldy, bitti, bizdi endi eshkim mazalaı almaıdy» dep emes, kerisinshe «bizdiń isimizge Memleket basshysynyń ózi qoldaý bildirip, qýattap otyr. Sondyqtan da biz óz isimizdi, ózimizge júktelgen mindetti sapaly da adal atqarýǵa tıispiz» degen otanshyldyq sezimmen qabyldap, árbir isti jaýapkershilikpen atqarýǵa shuǵyl bet burýy kerek. Iаǵnı «qudaı berip qaldy» – dep Prezıdent jasaǵan jaqsylyqty las, teris is-árekettermen almastyryp, oıyna kelgenin isteı bermeýi tıis. Atap aıtqanda, «men jeke kásipkermin» – dep keıbir balabaqshadaǵylardaı baldyrǵandardy ońdy-soldy uryp-soǵyp, ne bolmasa tunshyqtyryp tárbıeleýge jol bermeýimiz qajet. Al qurylys kompanııalary bolsa, turǵyzǵan úıleri men salǵan joldarynyń artynsha isten shyǵyp qalyp jatatyndaı shalalyqty boldyrmaýǵa tıis.
Dál osy sııaqty pikirdi men Joldaýda atap kórsetilgen ýchaskelik ınspektorlardyń mártebesine baılanysty da ashyp aıtqan bolar edim. О́ıtkeni bul Joldaýda: «ol azamattar aldynda tanymal, qoljetimdi ári bedeldi bolýǵa, solardyń quqyqtaryn qorǵaýǵa tıis» dep aıtylǵan bolsa, sol ýchaskelik ınspektorlar shyn máninde ózi qyzmet etetin aımaq turǵyndaryna keńinen tanymal ma, bedeldi me? Al biz biletin jaǵdaılarda tanymal bolyp, bedel jınaqtamaq túgili bizdiń keıbir ýchaskelik ınspektorlarymyz tipten halyq aldynda ózderiniń atqarǵan qyzmeti týraly qanaǵattanarlyqtaı bir esep te bere almaıdy. Olaı bolsa endigi jerde bul ınspektorlarǵa jan-jaqty oılanýǵa týra keledi. Joldaýǵa laıyqty jaýap beretindeı qyzmet ıesi bolýǵa talpynyp, beıimdelip, izdene júrip is qabiletti arttyra túskeni abzal.
Osy joǵaryda aıtqan pikirlerimdi men Joldaýdyń «Ulttyq bolmys» atty bóliminde keltirilgen kez kelgen isti kásibı daǵdy arqyly júzege asyrǵan durys jáne temirdeı tártip pen joǵary jaýapkershilik barshamyzdyń boıymyzda bolýy kerek degen tujyrymdarmen ushtastyra otyryp aıaqtaǵandy jón kórip otyrmyn. Bul bólimde ádildik, adaldyq, uqyptylyq pen tııanaqtylyq týraly aıtylǵan sózderdiń ómirsheńdik qasıetin Prezıdentimizdiń joǵary baǵalap otyrǵanyn biz de jete uǵynyp, ózimizdiń ómirlik berik ustanymymyzǵa aınaldyrýǵa tıispiz.
Serikbaı TURJAN,
Túrkistan oblysy,
Báıdibek aýdandyq qoǵamdyq keńesiniń múshesi
