28 tamyzda Sındzo Abe densaýlyǵynyń nasharlaýyna baılanysty premer-mınıstr qyzmetinen ketetinin málimdegen edi. Osylaısha elde úkimet basshysyn saılaý ótti.
Jańadan qyzmetke kirisken E.Sýga eldiń ekonomıkasyn qalpyna keltirý jáne koronavırýs ınfeksııasymen kúresýge erekshe nazar aýdaratynyn jetkizdi. Sondaı-aq ol nesıe-qarjy saıasatyn yryqtandyryp, qarjylyq yntalandyrý sharalaryn oryndamaq. Iаǵnı jańa basshy Sındzo Abeniń ustanǵan saıasatyn jalǵastyratynyn málimdedi.
Sondaı-aq jańa premer-mınıstr el ekonomıkasyn kúsheıtip, jahandyq daǵdarysqa jol bermeý úshin qabyldanatyn birqatar sharany atap ótti. Máselen, koronavırýs ınfeksııasymen kúreske, zardap shekken kásipkerlerge sýbsıdııa bólý men ishki týrızmdi damytýǵa 2,2 trln dollar bólinbek. Budan bólek ulttyq qaýipsizdikke qatysty saıasat qaıta qarastyrylmaq.
E.Sýganyń sózine súıensek, ol burynǵy úkimet múshelerin aýystyrýǵa asyqpaıdy. Ázirge ol mınıstrler kabınetine senetinin aıtyp otyr.
