"Nurly jer" memlekettik baǵdarlamasynyń jańa baǵyttarynyń biri "Shańyraq" pılottyq jobasy. Ol Memleket basshysynyń tapsyrmasyna sáıkes, baspanaly bolýdy kózdegen qazaqstandyq azamattarǵa jeńildetilgen sharttarmen nesıe berý maqsatynda ázirlendi.
- 17-qyrkúıekten bastap, "Shańyraq" baǵdarlamasy boıynsha ótinish qabyldaýdyń ekinshi kezeńin bastaldy. Endi 1986 jyldan 2015 jylǵa deıingi aralyqta ákimdikte úı kezegine turǵan azamattardan ótinish qabyldaý bastaldy. Baǵdarlamaǵa qatysý úshin sońǵy alty aı ishindegi otbasynyń ár múshesine keletin otbasylyq tabystyń 3,1 bóligin qamtıdy. Iаǵnı, 2020 jyly otbasynyń ár múshesine keletin tabys kólemi 101 271 teńgeden aspaýy tıis, dedi Medet Ábýǵalıev.
Baǵdarlamanyń birinshi kezeńinde 16 810 ótinish qabyldandy. Qazirgi ýaqytta jalpy kólemi 5 mlrd teńgege 374 nesıelik ótinish maquldandy. Baǵdarlama boıynsha turǵyn úıdi tek jańadan salynǵan úılerden ǵana alýǵa bolady. "Shańyraq" baǵdarlamasy boıynsha páter alýǵa bolatyn qurylys kompanııalarynyń tizimin jáne baǵdarlamaǵa qatysý týraly jáne tólem qabilettiligin baǵalaý jónindegi ótinishterin hcsbk.kz saıtynan ǵana júktep alýǵa bolady.
Aıta keteıik ótinish berý merzimi 2020 jyldyń 17 qyrkúıek pen 16 qazan aralyǵynda júredi.
