Psıhologııalyq kómekke júgine alady

«Qala turǵyndarynda KVI boıynsha suraqtar týyndaǵan kezde halyqty to­lyq aqparatpen qamtamasyz etý úshin emhanalardaǵy Call-ortalyqtardyń jumysyn kúsheıtemiz. Bizdiń psıhologter halyqty tolǵandyratyn suraq­ta­rǵa jaýap berýge, psıhologııalyq qol­daý kórsetýge daıyn» dedi basqarma bas­shy­synyń orynbasary Álııa Rústemova.

Call-ortalyqtardyń telefondary basqarmanyń, qalalyq medısınalyq uıymdardyń saıtynda jáne áleýmettik jelilerde ornalastyrylady. Sondaı-aq ambýlatorııalyq kómek deńgeıinde pasıentterdi ońaltý boıynsha jumys júrgiziledi.

Qoǵamdyq densaýlyq saqtaý bas­qar­masy koronavırýstyń órshýi jaǵ­­daıynda kúzgi-qysqy kezeńge daıyn­dyq jumystaryn júrgizýde. Osylaısha COVID-19 koronavırýstyq ınfeksııasymen kúresýdiń 3 kezeńine jos­par qurylǵan. Birinshi kezeńde 5 medısınalyq uıymnyń bazasynda 1645 tósektik oryn ornalastyrý josparlanýda. Sonymen qatar kópsalaly medısınalyq uıymdar jedel qabyldaý jáne josparly túrde naýqastardy qabyldaýdy jalǵastyrady. Ekinshi kezeń birqatar res­pýblıkalyq klınıkalarda qo­sym­sha 1500 kereýet ornalastyrýdy qarastyrady. Úshinshi kezeń kereýetterdi tek qalalyq aýrýhanalar men emhanalarda ǵana emes, sonymen qatar qonaqúı keshenderi men jataqhanalarda beıimdelgen bólmelerde ornalas­tyrýdy kózdeıdi. Sanıtarlyq dárigerlerdiń tekserýinen keıin birqatar medısınalyq uıymdar «kovıdtik aýrýhanalarǵa» rezervte tur.

«Munyń barlyǵy 5600-ge deıin juqpaly tósektik oryn ornalastyrýǵa múm­kindik beredi, onyń 465-i – rea­nımasııalyq. Medısına qyz­met­ker­leri men medısınalyq mekeme­lerdiń aýyrtpalyǵyn bir ýaqytta kúrt arttyrýǵa jol bermeý kerek», deıdi Qoǵamdyq densaýlyq saqtaý basqarmasy basshysynyń orynbasary Á.Rústemova.

Búginde 50-den astam ókpeni jasandy jeldetý apparaty (oǵan deıin sondaı 200-deı apparat alyndy), 2 kompıýterlik tomograf (jalpy qala boıynsha 19), ókpeniń zaqymdaný paıyzyn kórýge múmkindik beretin 7 sandyq rentgen júıesi, 3 ottegi rezervýary qosymsha satyp alyndy. Sonymen qatar qalanyń emdeý mekemelerine 500-den astam ottegi konsentratory, 250-ge jýyq ókpeni jasandy jeldetý apparaty, 300-ge jýyq floýmetr, 500 kópfýnksıonaldy arnaıy kereýet jetkizildi. Sondaı-aq 1600-ge jýyq ottegi núktesi bar.

Jaqyn arada medısınalyq jab­dyq­tardan basqa jyljymaly flıýoro­gra­fııalyq keshender, sandyq rentgen júıeleri jáne joǵary dáldiktegi jel­det­kishter de keledi. Qazirgi tańda stasıonarlardy ókpeni jasandy jeldetý apparatymen qamtamasyz etý shamamen 94%-dy quraıdy.